മസാലദോശയിൽ ചത്ത എട്ടുകാലി ; ഹോട്ടൽ പൂട്ടിച്ച് ഭക്ഷ്യവകുപ്പ് പരിശോധനയിൽ കണ്ടെത്തിയത് ഞെട്ടിക്കുന്ന കാര്യങ്ങളാണെന്ന് ആരോ​ഗ്യ വകുപ്പ്; സംഭവം കുന്നംകുളത്ത്

തൃശൂർ : കുന്നംകുളത്ത് ഹോട്ടൽ ഭക്ഷണത്തിൽ ചത്ത എട്ടുകാലിയെ കിട്ടിയ സംഭവത്തിൽ കർശന നടപടിയുമായി ആരോഗ്യ വകുപ്പ്. പരാതിയെ തുടർന്ന് കുന്നംകുളം ഗുരുവായൂർ റോഡിലെ ഭാരത് ഹോട്ടൽ ആരോഗ്യ വിഭാഗം അടച്ചു പൂട്ടി. ഹോട്ടലിൽ നിന്ന് വിളമ്പിയ മസാലദോശയിലാണ് ചത്ത എട്ടുകാലിയെ കണ്ടത്. ഭഷണം കഴിച്ച മരത്തംകോട് സ്വദേശിനിയാണ് കുന്നംകുളം നഗരസഭ ആരോഗ്യ വിഭാഗത്തിന് പരാതി നൽകിയത്. തുടർന്ന് ഹോട്ടലിലെത്തിയ അധികൃതർ വിശദ പരിശോധന നടത്തി. വൃത്തിഹീനമായ സാഹചര്യത്തിലാണ് ഹോട്ടൽ പ്രവർത്തിക്കുന്നതെന്ന് പരിശോധനയിൽ കണ്ടെത്തിയതിനെ തുടർന്ന് ഹോട്ടൽ അടയ്ക്കാൻ ആരോഗ്യ വിഭാഗം നിർദേശം നൽകി. വരും ദിവസങ്ങളിൽ നഗരത്തിലെ ഹോട്ടലുകളിൽ പരിശോധന കർശനമാക്കുമെന്ന് ആരോഗ്യ വിഭാഗം അറിയിച്ചു.