യൂണിഫോമില്ലാത്ത വിദ്യാർത്ഥിനിയോട് ടിക്കറ്റ് ആവശ്യപ്പെട്ടതിന്റെ പേരിൽ സ്വകാര്യ ബസിലെ കണ്ടക്ടര്‍ക്ക് വിദ്യാര്‍ഥിനിയുടെ നേതൃത്വത്തില്‍ ക്രൂരമര്‍ദനം. മാളിയക്കടവ്-കോട്ടയം റൂട്ടിലോടുന്ന ബസിലെ കണ്ടക്ടറായ പ്രദീപിനാണ് മര്‍ദനമേറ്റത്. കണ്ടക്ടറെ മര്‍ദിക്കുന്നതിന്റെ ദൃശ്യങ്ങള്‍ പുറത്തുവന്നു. (Conductor of a private bus in Kottayam brutally beaten up by a female student; Video)
യൂണിഫോം, ഐഡികാര്‍ഡ്, കണ്‍സെഷന്‍ കാര്‍ഡ്, ബാഗ് തുടങ്ങിയവയൊന്നുമില്ലാതെ വിദ്യാര്‍ഥിനി എസ്.ടി. ടിക്കറ്റ് ആവശ്യപ്പെട്ടുവെന്ന് കണ്ടക്ടര്‍ പറഞ്ഞതാണ് പ്രകോപനത്തിന് കാരണം. . പിന്നീട് പെണ്‍കുട്ടി ബന്ധുക്കളേയും കൂട്ടിവന്ന് മര്‍ദിക്കുകയായിരുന്നു. വ്യാഴാഴ്ച വൈകീട്ടുനടന്ന സംഭവത്തിന്റെ വീഡിയോ പുറത്തുവന്നിട്ടുണ്ട്.
