ഫെയ്സ്ബുക്ക്, ഇൻസ്റ്റാഗ്രാം, വാട്സാപ്പ് എന്നിവയുടെ മാതൃകമ്പനിയായ മെറ്റയ്ക്ക് 213.14 കോടി രൂപ പിഴ ചുമത്തിയതായി ഇന്ത്യയിലെ കോംപറ്റീഷന് കമ്മീഷന് (സിസിഐ) അറിയിച്ചു. 2021-ൽ വാട്സാപ്പിന്റെ സ്വകാര്യതാനയം പുതുക്കുന്നതുമായി ബന്ധപ്പെട്ട് മെറ്റ കൃത്രിമത്വം കാട്ടിയെന്ന് കമ്മീഷൻ ചൂണ്ടിക്കാട്ടി. Competition Commission of India imposes a fine of Rs 213.14 crore on Meta
ഡിജിറ്റൽ വിപണിയിലെ കുത്തക നിലനിർത്താനുള്ള നിയമവിരുദ്ധ ശ്രമങ്ങളിൽ നിന്ന് മാറി നിൽക്കാനും മത്സരവിരുദ്ധ നടപടികളിൽ നിന്ന് ഒഴിവാകാനും മെറ്റയെ കമ്മീഷൻ നിർദേശിച്ചു. 2021-ൽ, ഇന്ത്യയിലെ ഉപയോക്താക്കളുടെ വ്യക്തി വിവരങ്ങൾ മെറ്റയുടെ മറ്റ് പ്ലാറ്റ്ഫോമുകളായ ഫെയ്സ്ബുക്ക്, ഇൻസ്റ്റാഗ്രാം എന്നിവയുമായി പങ്കുവയ്ക്കുന്നതിനായി വാട്സാപ്പ് തന്റെ സ്വകാര്യതാനയം പുതുക്കിയിരുന്നു.
ഈ നയം അംഗീകരിക്കാത്ത ഉപയോക്താക്കൾക്ക് വാട്സാപ്പ് സേവനം ലഭ്യമാകില്ലെന്ന് കമ്പനി വ്യക്തമാക്കിയിരുന്നു. ഇതിനെതിരെ കോംപറ്റീഷന് കമ്മീഷന് ഇടപെട്ടതാണ്. കടുത്ത എതിർപ്പിനെ തുടർന്ന്, വാട്സാപ്പ് താത്ക്കാലികമായി പുതുക്കിയ സ്വകാര്യതാനയം നടപ്പാക്കുന്നത് നിർത്തിവച്ചു. കോംപറ്റീഷന് ആക്ടിന് വിരുദ്ധമായ നടപടിയാണെന്ന് വിലയിരുത്തിയ കമ്മീഷൻ, മെറ്റയുടെ പ്രവർത്തനങ്ങളെ വിമർശിച്ചു.
