തൊടുപുഴ: കോളേജ് ബസ് താഴ്ചയിലേക്ക് മറിഞ്ഞ് അപകടം. നിരവധി പേർക്ക് പരിക്കേറ്റു. ഇടുക്കി പള്ളിക്കാനത്ത് ആണ് സംഭവം. വാഗമണ് ഡിസി കോളേജിന്റെ ബസാണ് അപകടത്തിൽപ്പെട്ടത്.
നിയന്ത്രണം വിട്ട ബസ് താഴ്ചയിലേക്ക് മറിയുകയായിരുന്നു. അപകടത്തിൽ വിദ്യാര്ത്ഥികള്ക്കും ബസ് ഡ്രൈവര്ക്കും പരിക്കേറ്റിട്ടുണ്ട്. ബസ് ഡ്രൈവറെ മൂലമറ്റത്തെ സ്വകാര്യ ആശുപത്രിയില് പ്രവേശിപ്പിച്ചു. ഇയാളുടെ പരിക്ക് ഗുരുതരമല്ല എന്നാണ് വിവരം.
കോളേജിന് തൊട്ടുമുന്നിലെ വളവില് വെച്ചാണ് ബസ് മറിഞ്ഞത്. കനത്ത മൂടല്മഞ്ഞിനെ തുടര്ന്ന് ബസ് തെന്നിമാറിയായിരുന്നു അപകടമുണ്ടായതെന്നാണ് വിവരം.
വടക്കൻ കേരളത്തിൽ വൈദ്യുതി നിയന്ത്രണം; കെഎസ്ഇബിയുടെ അറിയിപ്പ് ഇങ്ങനെ
തിരുവനന്തപുരം: വടക്കൻ കേരളത്തിൽ വൈദ്യുതി നിയന്ത്രണത്തിന് സാധ്യതയെന്ന് കെഎസ്ഇബിയുടെ അറിയിപ്പ്. ഇന്നു മുതൽ രണ്ട് ദിവസത്തേക്ക് ആണ് നിയന്ത്രണം ഏർപ്പെടുത്തുന്നത്.
ഏപ്രിൽ 24 മുതൽ 26 വരെ വടക്കൻ കേരളത്തിന്റെ ചില ഭാഗങ്ങളിൽ അര മണിക്കൂർ നേരത്തേക്ക് ആണ് വൈദ്യുതി നിയന്ത്രിക്കുക. കക്കയം ജലവൈദ്യുതപദ്ധതിയുടെ പെൻസ്റ്റോക്കിലുണ്ടായ ലീക്കേജിനെ തുടർന്ന് വൈദ്യുതോത്പാദനം താത്കാലികമായി നിർത്തിവെച്ചിരിക്കുകയാണ്.
ഇതേ തുടർന്ന് ഉത്പാദനത്തിൽ 150 മെഗാവാട്ടിൻ്റെ കുറവാണ് ഉണ്ടായിരിക്കുന്നത്. കൂടുതൽ വൈദ്യുതി പുറത്തുനിന്നെത്തിച്ച് നിയന്ത്രണം ഒഴിവാക്കുമെന്നും കെഎസ്ഇബി വ്യക്തമാക്കി.
