തിരുവനന്തപുരം: ബലിപെരുന്നാള് ആശംസകള് നേര്ന്ന് മുഖ്യമന്ത്രി പിണറായി വിജയൻ. പരസ്പര സ്നേഹത്തിന്റെയും ത്യാഗത്തിന്റെയും മഹത്തായ സന്ദേശമാണ് ബലിപെരുന്നാള് പകര്ന്നു നല്കുന്നതെന്ന് പിണറായി വിജയൻ പറഞ്ഞു. എല്ലാത്തരം വേര്തിരിവുകള്ക്കും അതീതമായി നമുക്കൊരുമിച്ച് ബലിപെരുന്നാള് ആഘോഷിക്കാം.(CM Pinarayi Vijayan Bakrid Wishes)
നിസ്വാര്ത്ഥമായി സ്നേഹിക്കാനും മറ്റുള്ളവര്ക്ക് നേരെ സഹായഹസ്തം നീട്ടാനും സാധിച്ചാല് മാത്രമേ സമത്വപൂര്ണ്ണമായൊരു ലോകം സാധ്യമാകു. ഐക്യത്തിന്റെയും മതനിരപേക്ഷതയുടെയും നാടായി കേരളത്തെ നിലനിര്ത്താന് ഈ ദിനം നമുക്ക് പ്രചോദനമാകട്ടെയെന്നും ഏവര്ക്കും ഹൃദയപൂര്വ്വം ബക്രീദാശംസകള് നേരുകയാണെന്നും പിണറായി വിജയൻ പറഞ്ഞു.
സംസ്ഥാനത്ത് ഇസ്ലാം മത വിശ്വാസികള് തിങ്കളാഴ്ച ബലി പെരുന്നാള് ആഘോഷിക്കും. അതേസമയം പ്രവാസ ലോകത്ത് ഇന്ന് ബലി പെരുന്നാള് ആഘോഷമാക്കി. ഒമാന് ഒഴികേയുള്ള ഗള്ഫ് രാജ്യങ്ങളിലാണ് ഇന്ന് ബലി പെരുന്നാള് ആഘോഷിച്ചത്.
Read Also: മഴ വരുന്നുണ്ടേ; സംസ്ഥാനത്ത് നാളെ ആറ് ജില്ലകളില് യെല്ലോ അലേർട്ട്
Read Also: ‘ലോകത്തിലെ ബെസ്റ്റ് അപ്പ;’ വിഘ്നേശ് ശിവന് ഫാദേഴ്സ് ഡേ ആശംസകളുമായി നയൻതാര
