തിരുവനന്തപുരം: ക്ഷേത്രത്തിൽ ഗാനമേളക്കിടെയുണ്ടായ സംഘർഷം തടയാനെത്തിയ പൊലീസുകാർക്കു നേരെ ആക്രമണം. തിരുവനന്തപുരം കിളിമാനൂർ കരിക്കകത്ത് ക്ഷേത്രത്തിലാണ് സംഭവം.
ആക്രമണത്തിൽ എസ്ഐ അടക്കം മൂന്നു പൊലീസുകാർക്ക് പരിക്കേറ്റു. ഇന്നലെ രാത്രി പത്തരയോടെ കരിക്കകം പഞ്ചമുഖം മാടൻ ക്ഷേത്രത്തിലെ ഉത്സവത്തിനിടെയായിരുന്നു ആക്രമണമുണ്ടായത്.
സംഭവത്തിൽ നാല് യുവാക്കളെ പൊലീസ് അറസ്റ്റ് ചെയ്തിട്ടുണ്ട്. കാട്ടാമ്പുറം സ്വദേശികളായ അൽ മുബീൻ (27), സുബീഷ് (34), സുബിൻ (27), ഗൗതം (18) എന്നിവരാണ് അറസ്റ്റിലായത്. സംഘർഷമുണ്ടായതോടെ പൊലീസ് ഉദ്യോഗസ്ഥർ ഇടപെട്ടതിനു പിന്നാലെ യുവാക്കൾ സംഘം ചേർന്ന് ആക്രമിക്കുകയായിരുന്നു.
യുവാക്കൾ പൊലീസ് ജീപ്പ് അടിച്ചുതകർക്കുകയും ചെയ്തിട്ടുണ്ട്. സംഭവത്തിൽ പത്ത് പേർക്കെതിരെയാണ് കേസെടുത്തിരിക്കുന്നത്.
