എറണാകുളത്ത് ബാറിൽ സംഘർഷം; മധ്യവയസ്കനെ തോക്കുകൊണ്ട് തലക്കടിച്ചു
കൊച്ചി: ബാറിൽ സംഘർഷത്തെ തുടർന്ന് യുവാക്കൾ എയർഗൺ ഉപയോഗിച്ച് മധ്യവയസ്കനെ തലക്കടിച്ചു വീഴ്ത്തി. എറണാകുളം കൂത്താട്ടുകുളത്ത് ആണ് സംഭവം. സംഘർഷത്തിൽ മൂന്നുപേർക്ക് പരിക്കേറ്റിട്ടുണ്ട്.
കോഴിപ്പള്ളി സ്വദേശി റെജിയെയാണ് കാറിലെത്തിയ യുവാക്കൾ ആക്രമിച്ചത്. സംഭവത്തെ തുടർന്ന് അമൽ, അവറാച്ചൻ, എൽദോ തങ്കച്ചൻ എന്നിവരെ കൂത്താട്ടുകുളം പൊലീസ് അറസ്റ്റ് ചെയ്തു. പിടിച്ചുമാറ്റാൻ ശ്രമിച്ചവർക്കാണ് പരിക്കേറ്റത് എന്നാണ് വിവരം.
സവാരി കാത്ത് കിടന്ന ഹൃദ്രോഗിയായ ഓട്ടോ ഡ്രൈവറെ കാറിലെത്തിയ ആൾ ക്രൂരമായി മർദിച്ചു
തിരുവനന്തപുരം: വർക്കലയിൽ ഹൃദ്രോഗിയായ ഓട്ടോറിക്ഷ ഡ്രൈവറെ കാറിലെത്തിയ ആൾ മർദിച്ചു. ഓട്ടോ റിക്ഷ കൂലി കൂടിപ്പോയെന്നാരോപിച്ചായിരുന്നു മർദനം.
വർക്കല കുരയ്ക്കണ്ണി തൃക്കേട്ടയിൽ സുനിൽകുമാറിനാണ്(55) മർദ്ദനമേറ്റത്. ഇദ്ദേഹത്തിന്റെ വാഹനത്തിൽ യാത്ര ചെയ്തപ്പോൾ 100 രൂപ കൂടുതൽ വാങ്ങിയെന്ന് ആരോപിച്ചായിരുന്നു മർദനം. പ
രിക്കേറ്റ സുനിൽകുമാറിന്റെ വർക്കല താലൂക്ക് ആശുപത്രിയിൽ പ്രവേശിപ്പിച്ചു. സംഭവത്തിൽ സുനിൽകുമാർ വർക്കല പോലീസിൽ പരാതി നൽകിയിട്ടുണ്ട്.
കഴിഞ്ഞ 19-ാം തീയതി ഉച്ചയ്ക്ക് 2:30ഓടെ സംഭവമാണ് നടന്നത്. വർക്കല പാപനാശത്തെ ഓട്ടോസ്റ്റാന്റിൽ സവാരി കാത്ത് നിൽക്കുമ്പോഴാണ് കാറിലെത്തിയ ഒരാൾ സുനിൽ കുമാറിനെ ആക്രമിച്ചത്.
സുനിൽ കുമാർ നൽകിയ പരാതിയിൽ പറയുന്നതനുസരിച്ച്, തന്റെ വാഹനത്തിൽ മുമ്പ് യാത്ര ചെയ്ത സമയത്ത് 100 രൂപ കൂടുതലായി കൂലി വാങ്ങിയെന്നാരോപിച്ചാണ് ആക്രമണം നടന്നത്.
പഴയ സംഭവത്തെ ചൂണ്ടിക്കാട്ടി കാറിലെത്തിയ ആൾ അടിപിടി തുടങ്ങുകയായിരുന്നുവെന്നാണ് ആരോപണം. സംഭവം സംബന്ധിച്ച സിസിടിവി ദൃശ്യങ്ങളും പുറത്തുവന്നിട്ടുണ്ട്.
Summary: A bar clash in Kothamangalam, Ernakulam, turned violent as youths attacked a middle-aged man with an airgun, hitting him on the head. Three people were injured in the incident.
