ഇടുക്കി നെടുങ്കണ്ടത്ത് രണ്ടാം ക്ലാസിൽ പഠിക്കുന്ന പട്ടികജാതി വിഭാഗത്തിൽപെട്ട രണ്ടാംക്ലാസ് വിദ്യാർഥിയെക്കൊണ്ട് അധ്യാപിക സഹപാഠിയുടെ ഛർദി കോരിച്ച സംഭവത്തിൽ കേസെടുത്ത് ബാലാവകാശ കമ്മീഷൻ. കുട്ടയുടെ അമ്മ നൽകിയ പരാതിയിലാണ് കേസെടുത്തത്. Child Rights Commission registers case after student forced to clean vomit of classmate in idukki
കുട്ടിയടെ അമ്മ നൽകിയ പരാതിയിൽ അന്വേഷണം നടത്തി റിപ്പോർട്ട് നൽകാൻ മന്ത്രി വി. ശിവൻകുട്ടി പൊതു വിദ്യാഭ്യാസം ഡയറക്ടർ എസ്. ഷാനവാസിന് നിർദേശം നൽകി. പരാതിയിൽ കേസെടുത്ത് അന്വേഷിക്കാൻ ഉടുമ്പൻചോല പോലീസിനും ജില്ലാ ശിശുക്ഷേമ സമിതിയ്ക്കും നിർദേശം നൽകുമെന്ന് ബാലാവകാശ കമ്മീഷൻ അംഗം കെ. ഷാജു പ്രതികരിച്ചു.
അധ്യാപിക നിർബന്ധപൂർവം വിദ്യാർഥിയെക്കൊണ്ട് ഛർദി കോരിപ്പിക്കുകയായിരുന്നു എന്നാണ് പരാതി. സംഭവത്തിൽ റിപ്പോർട്ട് ലഭിച്ചിട്ടുണ്ടെന്നും പഠിച്ച ശേഷം പ്രതികരിക്കുമെന്നും ജില്ലാ കളക്ടർ വി. വിഗ്നേശ്വരി അറിയിച്ചു.
