സിബിഎസ്ഇ പ്ലസ് ടു ഫലം പ്രഖ്യാപിച്ചു. 87.98 ശതമാനം വിജയമാണ് ഇക്കുറി പരീക്ഷാ ഫലത്തിൽ ഉണ്ടായത്. തിരുവനന്തപുരമാണ് മേഖലകളിൽ ഏറ്റവും മികച്ച വിജയം നേടി ഒന്നാമതെത്തിയത്. 99.91 ശതമാനമാണ് തിരുവനന്തപുരം മേഖലയുടെ വിജയ ശതമാനം. പെൺകുട്ടികളിൽ 90.52 ശതമാനം പേർ വിജയം നേടി.
cbseresults.nic.in, cbse.gov.in, digilocker.gov.in എന്നീ ഔദ്യോഗിക വെബ്സൈറ്റുകള് വഴി വിദ്യാർത്ഥികൾക്ക് പരീക്ഷാ ഫലം അറിയാനാവും. 16 ലക്ഷം വിദ്യാർത്ഥികളാണ് ഇത്തവണ പരീക്ഷ എഴുതിയത്. ഫെബ്രുവരി 15 മുതല് ഏപ്രില് രണ്ടുവരെയാണ് 10, 12 ക്ലാസ് പരീക്ഷകള് നടന്നത്. പരീക്ഷയില് വിജയിക്കാന് ഓരോ വിഷയത്തിനും കുറഞ്ഞത് 33 ശതമാനം മാര്ക്ക് വേണം.
സിബിഎസ്ഇ സൈറ്റില് കയറി ഫലം അറിയുന്ന വിധം:
- സിബിഎസ്ഇ ബോര്ഡ് റിസല്ട്ട് 2024 ലിങ്കില് ക്ലിക്ക് ചെയ്യുക.
- അക്കൗണ്ട് ലോഗിന് ചെയ്യുക
- റോള് നമ്പര് അല്ലെങ്കില് രജിസ്ട്രേഷന് നമ്പര് നല്കി സബ്മിറ്റ് അമര്ത്തുക
- 12 ക്ലാസ് പരീക്ഷകളുടെ ഫലം അറിയാം
- റിസല്ട്ട് ഡൗണ്ലോഡ് ചെയ്യാനുള്ള സൗകര്യവും ഏര്പ്പെടുത്തിയിട്ടുണ്ട്
