മേയാൻ വിടുന്ന ആടുകൾ അപ്രത്യക്ഷമാകുന്നു

ഇടുക്കിയുടെ വിവിധ മേഖലകളിൽ മേയാൻ വിടുന്ന ആടുകളെ കാണാതാകുന്നു. തോട്ടം മേഖലയിൽ കഴിഞ്ഞ കുറെ നാ ളുകളായി ആട് മോഷണം പതിവാണ്.

വണ്ടിപ്പെരിയാർ ഡൈമുക്ക് കൊച്ചുകള്ളി ക്കൽ വീട്ടിൽ കെ.കെ. ഗോപിയുടെ അഞ്ച് ആടുകളെയാണ് രണ്ടുമാസത്തിനിടെ കാണാതായത്. ഗോപിയു ടെ പരാതിയിൽ വണ്ടിപ്പെരിയാർ പോലീസ് കേസെടുത്ത് അന്വേഷണം ആരംഭിച്ചിട്ടുണ്ട്.

വണ്ടിപ്പെരിയാർ തോട്ടം മേഖലയിലെ ആടിനെ വളർത്തി ഉപജീവനം നടത്തുന്ന കർഷകരെ ഒട്ടാകെ ദുരിതത്തിലാക്കുന്ന സംഭവമാണിത്.

മെഡിക്കൽ കോളേജ് കെട്ടിടത്തിന്റെ ജനൽ അടർന്നുവീണു

തോട്ടം മേഖലയിലെ മിക്ക സ്ഥലങ്ങളിൽനിന്നും വളർത്തുന്ന ആടുകളെ കാണാനില്ല എന്ന പരാതികൾ ഇതിന് മുൻപും ഉയർന്നിട്ടുണ്ട്. എതെങ്കിലും വന്യമൃഗങ്ങളോ മറ്റോ പിടിച്ച താകാമെന്നാണ് ഉടമകളും നാ ട്ടുകാരും ഉൾപ്പെടെയുള്ളവർ കരുതിയിരുന്നത്.

എന്നാൽ, ഗോപിയുടെ അഞ്ച് ആടുകളെ അടുപ്പിച്ച്കാണാതായതോടെയാണ് കൂടുതൽ സംശയം ഉണ്ടായത്. സംഭവത്തിൽ ഏകദേശം 60,000 രൂപയുടെ ആടുകളെയാണ് ഗോപിക്ക് ഇക്കാലയളവിൽ നഷ്ടപ്പെട്ടത്.

സംഭവത്തിൽ അധികൃതരുടെ അടിയന്തര ഇടപെടലുണ്ടാകണമെന്നാണ് നാട്ടുകാരുടെ ആവശ്യം. ഏലപ്പാറ, കുട്ടിക്കാനം മേഖലകളിൽ തേയില തോട്ടങ്ങളിൽ മേയാൻ വിടുന്ന പശുക്കളെ കാണാതാകുന്നതും പതിവായിരുന്നു.

രാത്രി തോട്ടത്തിൽ ഇട്ടു തന്നെ പശുവിനെ അറുത്ത് കഷ്ണങ്ങളാക്കി കടത്തുന്നതായിരുന്നു പതിവ്.

വീണ്ടും നിപ ജാഗ്രതയിൽ സംസ്ഥാനം

പാലക്കാട്: വീണ്ടും നിപ ജാഗ്രതയിൽ സംസ്ഥാനം. രണ്ടാമതും നിപ രോഗം സ്ഥിരീകരിച്ച സാഹചര്യത്തിൽ ആറ് ജില്ലകളിലെ ആശുപത്രികളിൽ ജാഗ്രതാ നിർദേശം നൽകിയതായി ആരോഗ്യ വകുപ്പ് മന്ത്രി വീണാ ജോർജ് അറിയിച്ചു.

പാലക്കാട്, മലപ്പുറം, കോഴിക്കോട്, കണ്ണൂർ, വയനാട്, തൃശൂർ ജില്ലകളിലെ ആശുപത്രികൾക്കാണ് ജാഗ്രത നിർദേശം നൽകിയത്.

നിപ ലക്ഷണങ്ങളോട് കൂടിയ പനി, മസ്തിഷ്‌ക ജ്വരം എന്നിവ കണ്ടെത്തിയാൽ ഉടൻ റിപ്പോർട്ട് ചെയ്യാനും അറിയിപ്പ്.

പാലക്കാട്, മലപ്പുറം ജില്ലകളിലെ ആശുപത്രികളിൽ രോഗികൾക്കൊപ്പം ഒരാളെ മാത്രമേ ബൈ സ്റ്റാൻഡർ ആയി അനുവദിക്കൂ.

ഇവിടെ ആശുപത്രികളിൽ എത്തുന്നവരും ആരോഗ്യപ്രവർത്തകരും നിർബന്ധമായും മാസ്‌ക് ധരിക്കണമെന്നും ആരോഗ്യവകുപ്പ് കർശന നിർദേശം നൽകിയിട്ടുണ്ട്.

ആശുപത്രികളിൽ അനാവശ്യമായ സന്ദർശനം ഒഴിവാക്കണമെന്നും ആരോഗ്യ വകുപ്പ് ആവശ്യപ്പെട്ടു.

പാലക്കാട് ജില്ലയിലെ മണ്ണാർക്കാട് ചങ്ങലീരിയിൽ നിപ്പ സ്ഥിരീകരിച്ചതോടെ ജില്ലാ ഭരണകൂടം കർശന നിയന്ത്രണങ്ങൾ ഏർപെടുത്തി.

കുമരംപുത്തൂർ പഞ്ചായത്തിലെ 8 മുതൽ 14 വരെ ഉള്ള വാർഡുകളിലും, മണ്ണാർക്കാട് നഗരസഭയിലെ 25 മുതൽ 28 വരെ ഉള്ള വാർഡുകളിലും കർശന നിയന്ത്രണങ്ങൾ ഏർപെടുത്തി.

കാരകുർശ്ശി, കരിമ്പുഴ പഞ്ചായത്തുകളിലെ മൂന്നു വാർഡുകളിലും നിയന്ത്രണം ഉണ്ട്.

ചങ്ങലീരിയിൽ മരിച്ച വ്യക്തിയുമായി 46 പേരാണ് നേരിട്ട് സമ്പർക്കം പുലർത്തിയതെന്നാണ് റിപ്പോർട്ട്. എല്ലാവരും നിരീക്ഷണത്തിൽ കഴിയുകയാണ്.

നിയന്ത്രണ മേഖലയിലെ വിദ്യാഭ്യാസ സ്ഥാപനങ്ങൾക്ക് അവധി പ്രഖ്യാപിച്ചിട്ടുണ്ട്. രാവിലെ എട്ട് മുതൽ ആറ് മണി വരെ മാത്രമെ വ്യാപാര സ്ഥാപനങ്ങൾ തുറക്കാൻ പാടുള്ളു,മാസ്‌ക്ക് ധരിക്കണമെന്നും നിർദേശം നൽകിയിട്ടുണ്ട്.

പൂനെ വൈറോളജി ലാബിലെ പരിശോധന ഫലം ഇന്ന് വരാൻ സാധ്യതയുണ്ട്. നാട്ടുകലിൽ രോഗം സ്ഥിരീകരിച്ച യുവതിയുടെ ആരോഗ്യ നില ഗുരുതരമായി തുടരുന്നു.

Summary:
Goats left to graze in various parts of Idukki are reportedly going missing. In the Thottam region, goat theft has become frequent in recent days. Locals are demanding urgent intervention from authorities.