ഔദ്യോഗിക കൃത്യനിര്വഹണം തടസപ്പെടുത്തല്, അന്യായമായി തടങ്കലില്വയ്ക്കല്, അസഭ്യം പറയല് അടക്കമുള്ള ആരോപണങ്ങൾ ഉന്നയിച്ച് ഡ്രൈവര് യദുവിന്റെ പരാതിയില് മേയര്ക്കും എംഎല്എക്കും എതിരെ കേസെടുക്കാന് കോടതി ഉത്തരവ്. മേയര് ആര്യാ രാജേന്ദ്രന്, ഭര്ത്താവ് സച്ചിന്ദേവ് എം.എല്.എ., മേയറുടെ സഹോദരന് അരവിന്ദ്, ഭാര്യ ആര്യ, കണ്ടാലറിയാവുന്ന ആള് എന്നിവര്ക്കെതിരേ കേസെടുക്കാനാണ് കോടതിയുടെ നിര്ദേശം. തിരുവനന്തപുരം കന്റോണ്മെന്റ് പൊലീസിനാണ് ഇത് സംബന്ധിച്ച നിര്ദേശം നൽകിയത്. ഹര്ജിയില് ആരോപിക്കുന്ന കുറ്റങ്ങള് ചുമത്തി മേയര്ക്കും കുടുംബത്തിനുമെതിരെ കേസെടുക്കാനാണ് കോടതി ഉത്തരവിട്ടിരിക്കുന്നത്. മേയര്ക്കെതിരെ യദു പോലീസില് പരാതി നല്കിയിരുന്നുവെങ്കിലും അത് പരിഗണിച്ചിരുന്നില്ല. ഈ ഘട്ടത്തിലാണ് യദു കോടതിയെ സമീപിച്ചത്. കേസില് മേയറുടെ പരാതിയില് യദുവിനെതിരെ കേസെടുത്തിരുന്നു.
Read also: എല്ലാ സഞ്ചാരികളും പൂർണ നഗ്നർ ! ; നോർവീജിയൻ പേൾ ക്രൂയിസ് കപ്പൽ ഫെബ്രുവരിയിൽ യാത്ര തുടങ്ങും
