കണ്ണൂർ: സ്കൂളിലേക്ക് പോകുന്നതിനായി സീബ്രാലൈൻ മുറിച്ചു കടക്കുന്നതിനിടെ വിദ്യാർഥിനികളെ കാർ ഇടിച്ചു തെറിപ്പിച്ചു. കണ്ണൂർ ചെറുപുഴയിൽ ഇന്ന് രാവിലെ എട്ടരയോടെയായാണ് അപകടം നടന്നത്. രണ്ടു വിദ്യാർത്ഥികൾക്ക് പരിക്കേറ്റു. (Car accident; Students injured in kannur)

ചെറുപുഴ യുപി സ്കൂൾ വിദ്യാർഥിനികൾക്കാണ് പരിക്കേറ്റത്. ഒരു കുട്ടിയെയാണ് കാറിടിച്ചത്. മറ്റൊരു കുട്ടിയ്ക്ക് വീണാണ് പരിക്ക് പറ്റിയത്. ഇവരും നിസാര പരിക്കുകളാണ് ഉള്ളത്.

അപകടത്തെ തുടർന്ന് ഓടി കൂടിയ നാട്ടുകാരാണ് കുട്ടികളെ ആശുപത്രിയിൽ എത്തിച്ചത്. സംഭവത്തിൽ കാർ ഡ്രൈവർക്കെതിരെ പൊലീസ് കേസെടുത്തിട്ടുണ്ട്.