കല്പ്പറ്റ: ശബരിമല തീര്ഥാടകര് സഞ്ചരിച്ച ബസ് മറിഞ്ഞ് അപകടം. നിരവധിപേർക്ക് പരിക്കേറ്റു. വയനാട് തിരുനെല്ലിയിലാണ് അപകടം നടന്നത്. (Bus carrying Sabarimala pilgrims overturned in Wayanad; Many people were injured)
ഇന്ന് പുലര്ച്ചെ ആറ് മണിയോടെയായിരുന്നു സംഭവം. ശബരിമല ദർശനം കഴിഞ്ഞ് തിരികെ പോകുകയായിരുന്ന കർണാടക സ്വദേശികൾ സഞ്ചരിച്ച ബസാണ് അപകടത്തിൽപ്പെട്ടത്. പരിക്കേറ്റവരിൽ ആരുടേയും നില ഗുരുതരമല്ലെന്നാണ് വിവരം.
ഓടികൊണ്ടിരിക്കെ നിയന്ത്രണം വിട്ട ബസ് റോഡിന് കുറുകെ മറിയുകയായിരുന്നു. ബസിൽ അമ്പതിലധികം പേരുണ്ടായിരുന്നു. പരിക്കേറ്റവരെ മാനന്തവാടി മെഡിക്കൽ കോളജിൽ പ്രവേശിപ്പിച്ചിരിക്കുകയാണ്. 18 പേരാണ് ആശുപത്രിയിൽ ചികിത്സയിലുള്ളത്.
അപകടം നടന്നയുടനെ മറ്റു വാഹനങ്ങളിൽ പോകുന്നവരും നാട്ടുകാരും ചേർന്നാണ് രക്ഷാപ്രവര്ത്തനം നടത്തിയത്. പൊലീസും ഫയര്ഫോഴ്സും ഉള്പ്പെടെ സ്ഥലത്തെത്തി.
ബാരക്കിൽ എലിശല്യം; സന്നിധാനത്ത് ഏഴ് പോലീസുകാരെ എലി കടിച്ചു
