കൊല്ലം: ആറ്റിൽ മീൻ പിടിക്കാൻ പോയ നാലംഗ സംഘത്തിന്റെ വള്ളം മറിഞ്ഞ് അപകടം. രണ്ടു യുവാക്കൾ മരിച്ചു. കൊല്ലത്ത് പള്ളിക്കലാറിലാണ്‌ അപകടമുണ്ടായത്.(Boat overturns in Kollam; Two youths died)
കല്ലേലിഭാഗം സ്വദേശികളായ ശ്രീരാഗ്, അജിത്ത് എന്നിവരാണ് മരിച്ചത്. ഒപ്പമുണ്ടായിരുന്ന രണ്ടുപേർ നീന്തി രക്ഷപ്പെടുകയായിരുന്നു. പിന്നീട് ഫയർഫോഴ്സിന്‍റെ സ്കൂബാ സംഘം എത്തിയാണ് ഒഴുക്കിൽപ്പെട്ട ശ്രീരാഗിനെയും അജിത്തിനെയും കണ്ടെത്തിയത്.
ഉടൻ തന്നെ ഇരുവരെയും ആശുപത്രിയിൽ എത്തിച്ചെങ്കിലും മരണം സംഭവിച്ചിരുന്നു. മേഖലയിൽ തുടർച്ചയായി മഴ പെയ്തതിനാൽ ആറ്റിൽ ഒഴുക്ക് കൂടുതലായിരുന്നു.
