ബെംഗളൂരു: മൈസൂരുവിൽ ബൈക്കപകടത്തിൽ മലയാളി യുവതി മരിച്ചു. എരുമേലി സൗത്ത് എരുത്വാപ്പുഴ കളത്തൂർ ബിജു- സുനിത ദമ്പതികളുടെ ഏക മകൾ കാർത്തിക ബിജു (25) ആണ് മരിച്ചത്. അപകടത്തിൽ ഒപ്പമുണ്ടായിരുന്ന യുവാവിന് പരിക്കേറ്റിട്ടുണ്ട്.
പാലക്കാട് ഒറ്റപ്പാലം മാങ്കോട് തൃക്കടേരി ചാമണ്ണൂർ ഗോപാലകൃഷ്ണന്റെ മകൻ ജി. ഗിരിശങ്കർ തരകൻ (26) ആണ് പരിക്കേറ്റത്. ഗിരിശങ്കറാണ് ബൈക്ക് ഓടിച്ചിരുന്നത്.
ഇന്നലെ ഉച്ചയ്ക്ക് മൈസൂരു– നഞ്ചൻഗുഡ് ദേശീയപാതയിൽ വെച്ചാണ് അപകടമുണ്ടായത്. ബെംഗളൂരുവിലെ സ്വകാര്യ കമ്പനിയിലാണ് കാർത്തിക ജോലി ചെയ്തിരുന്നത്. അവധിക്ക് നാട്ടിലേക്ക് വരാനിരിക്കെയാണ് അപകടമുണ്ടായത്.
രാഹുല് മാങ്കൂട്ടത്തില് എംഎല്എക്കെതിരെ കേസ്
പാലക്കാട്: രാഹുല് മാങ്കൂട്ടത്തില് എംഎല്എയ്ക്കെതിരെ പോലീസ് കേസ് രജിസ്റ്റർ ചെയ്തു. പാലക്കാട് മുന്സിപ്പാലിറ്റിയിലേക്ക് നടന്ന മാര്ച്ചുമായി ബന്ധപ്പെട്ടാണ് നടപടി. യൂത്ത് കോണ്ഗ്രസ്, കോൺഗ്രസ് പ്രവര്ത്തകര്ക്കെതിരെയും കേസെടുത്തിട്ടുണ്ട്.
പാലക്കാട് നഗരസഭയിലെ ബൗദ്ധിക ഭിന്നശേഷി നൈപുണ്യ വികസന കേന്ദ്രത്തിന് ആര്എസ്എസ് നേതാവ് കെ.ബി ഹെഡ്ഗെവാറിന്റെ പേര് നല്കിയതില് പ്രതിഷേധിച്ച് ഇന്നലെ നഗരസഭയിലേക്ക് മാര്ച്ച് നടത്തിയിരുന്നു. ഈ മാർച്ചിൽ സംഘര്ഷമുണ്ടാകുകയും ഒരു പൊലീസുകാരന് പരുക്കേല്ക്കുകയും ചെയ്തു.
