പ്രീമിയം കൗണ്ടറുകളിലെ മദ്യ വിൽപ്പന പൂർണമായും ഡിജിറ്റലാക്കൽ; സമയം നീട്ടി നൽകി ബെവ്കോ, പുതിയ തീയതി പ്രഖ്യാപിച്ചു

പ്രീമിയം കൗണ്ടറുകളിലെ മദ്യ വിൽപ്പന പൂർണമായും ഡിജിറ്റലാക്കൽ; സമയം നീട്ടി നൽകി ബെവ്കോ, പുതിയ തീയതി പ്രഖ്യാപിച്ചു

തിരുവനന്തപുരം: ബെവ്കോ പ്രീമിയം കൗണ്ടറുകളിലെ മദ്യവിൽപ്പന പൂർണമായും ഡിജിറ്റൽ ഇടപാടുകളിലൂടെ നടത്താനുള്ള തീരുമാനം നടപ്പാക്കുന്നതിന് ഒരു മാസം കൂടി സമയം നീട്ടി നൽകി.

ഇതോടെ മാർച്ച് 15 മുതൽ പ്രീമിയം കൗണ്ടറുകളിലെ മദ്യവിൽപ്പന പൂർണമായി ഡിജിറ്റൽ സംവിധാനത്തിലേക്ക് മാറും. നേരത്തെ ഫെബ്രുവരി 15 മുതൽ സംവിധാനം നടപ്പാക്കാനായിരുന്നു നിർദേശം.

ഡിജിറ്റൽ ഇടപാടുകളിലേക്ക് മാറുന്നതുമായി ബന്ധപ്പെട്ട അറിയിപ്പുകൾ ഉപഭോക്താക്കൾക്ക് വ്യക്തമായി കാണത്തക്കവിധം എല്ലാ ബെവ്കോ ഔട്ട്‌ലെറ്റുകളുടെയും മുന്നിൽ പ്രദർശിപ്പിക്കണമെന്നും അധികൃതർ നിർദേശിച്ചിട്ടുണ്ട്.

ഉപഭോക്താക്കളെ മുൻകൂട്ടി തയ്യാറാക്കുകയാണ് ഇതിലൂടെ ലക്ഷ്യമിടുന്നത്.

കറൻസി ഇടപാടുകൾ ഒഴിവാക്കുന്നതിലൂടെ മദ്യവിതരണത്തിന് എടുക്കുന്ന സമയം കുറയ്ക്കുക, കൗണ്ടറുകളിലെ തിരക്ക് നിയന്ത്രിക്കുക, ഇടപാട് രേഖകൾ കൃത്യമായി സൂക്ഷിക്കുക എന്നിവയാണ് ഡിജിറ്റൽ സംവിധാനത്തിലൂടെ ബെവ്കോ ലക്ഷ്യമിടുന്നത്.

ഇതോടൊപ്പം സുതാര്യത വർധിപ്പിക്കാനും കണക്കെടുപ്പിൽ കൂടുതൽ കാര്യക്ഷമത കൈവരിക്കാനുമാണ് ശ്രമം.

അതേസമയം, മദ്യവിൽപ്പന പൂർണമായും ഡിജിറ്റൽ ആക്കുന്നതുമായി ബന്ധപ്പെട്ട് ആശങ്കകളും ഉയരുന്നുണ്ട്.

എല്ലാ ഇടങ്ങളിലും ഡിജിറ്റൽ ഇടപാടുകൾ എളുപ്പത്തിൽ സാധ്യമല്ലാത്ത സാഹചര്യത്തിൽ ഉപഭോക്താക്കൾക്ക് ബുദ്ധിമുട്ടുണ്ടാകാമെന്നും, ഇത് ജീവനക്കാരും ഉപഭോക്താക്കളും തമ്മിൽ തർക്കങ്ങൾക്ക് ഇടയാക്കാമെന്നും ജീവനക്കാരുടെ സംഘടനകളും പൊതുജനങ്ങളും ആശങ്ക പ്രകടിപ്പിക്കുന്നു.

ഡിജിറ്റൽ സംവിധാനം പൂർണമായി നടപ്പിലാക്കുന്നതിന് മുൻപ് കൂടുതൽ സൗകര്യങ്ങളും വ്യക്തമായ മാർഗനിർദേശങ്ങളും ഒരുക്കണമെന്ന ആവശ്യപ്പെട്ടുള്ള ചർച്ചകളും തുടരുകയാണ്.

ENGLISH SUMMARY

BEVCO has extended the deadline by one more month to implement fully digital-only payments at premium liquor counters. The new date for complete digital transition is March 15, instead of the earlier February 15 plan. While the move aims to reduce crowding, save time and improve transparency, concerns remain over limited digital access and possible customer-staff disputes.BEVCO has extended the deadline by one more month to implement fully digital-only payments at premium liquor counters. The new date for complete digital transition is March 15, instead of the earlier February 15 plan. While the move aims to reduce crowding, save time and improve transparency, concerns remain over limited digital access and possible customer-staff disputes.

bevco-premium-counters-digital-only-sales-deadline-extended-march-15

BEVCO, premium counters, liquor sales, digital payment, cashless transactions, Kerala, Thiruvananthapuram, UPI, transparency, crowd control, retail outlets, customer issues, staff unions