അപകീർത്തി കേസിൽ രാഹുൽ ഗാന്ധിക്ക് ജാമ്യം. ബെംഗളൂരുവിലെ കോടതിയാണ് കോണ്ഗ്രസ് നേതാവ് രാഹുല് ഗാന്ധിക്ക് കേസില് ജാമ്യം അനുവദിച്ചത്. കേസ് ജൂലൈ 30ന് കോടതി വീണ്ടും പരിഗണിക്കും. (Rahul Gandhi gets bail from Bengaluru court in defamation case)
2023 മേയിൽ കർണാടക നിയമസഭ തെരഞ്ഞെടുപ്പിൽ ‘40% കമ്മീഷൻ സർക്കാർ’ എന്ന് കഴിഞ്ഞ ബിജെപി സർക്കാരിനെ വിമർശിച്ചതിനാണ് രാഹുലിനെതിരെ കേസെടുത്തത്. ബി.ജെ.പി എം.എൽ.സിയും കർണാടക ജനറൽ സെക്രട്ടറിയുമായ കേശവ് പ്രസാദ് നൽകിയ പരാതിയിലാണ് കേസെടുത്തത്. സിദ്ധരാമയ്യയും ഡികെ ശിവകുമാറും കേസിൽ പ്രതികളാണ്.
സിദ്ധരാമയ്യക്കും ഡികെ ശിവകുമാറിനും കഴിഞ്ഞ ദിവസം ബെംഗളൂരു സിറ്റി സിവിൽ ആൻഡ് സെഷൻസ് കോടതി ജാമ്യം അനുവദിച്ചിരുന്നു. അന്ന് രാഹുൽ ഹാജരാകാതെ ഇരുന്നതിനാൽ 7-ന് ഹാജരാകാൻ സമൻസ് അയക്കുകയായിരുന്നു. തുടര്ന്നാണ് ഇന്ന് രാവിലെ രാഹുല് ഗാന്ധി ബെംഗളൂരുവിലെ കോടതിയില് ഹാജരായത്.
ബെംഗളൂരുവിലെത്തിയ രാഹുല് ഗാന്ധിയുമായി മുഖ്യമന്ത്രി സിദ്ധരാമയ്യ, ഉപമുഖ്യമന്ത്രി ഡികെ ശിവകുമാര് എന്നിവര് കൂടിക്കാഴ്ച നടത്തി. കോടതി വളപ്പിൽ പാർട്ടി പതാകകൾ കൊണ്ടുവരരുതെന്നും ബി.ജെ.പിക്കെതിരെ മുദ്രാവാക്യം വിളിക്കരുതെന്നും പാർട്ടി പ്രവർത്തകർക്ക് രാഹുൽ ഗാന്ധി നേരത്തെ നിർദേശം നൽകിയിരുന്നു.
Read More: ട്രോളിങ് നിരോധനം ഞായറാഴ്ച അര്ധരാത്രി മുതല്; ഇത്തവണ 52 ദിവസം; ഒരുക്കങ്ങൾ പൂർത്തിയായി
Read More: 07.06.2024. 11 AM . ഇന്നത്തെ പ്രധാനപ്പെട്ട 10 വാർത്തകൾ
