പാകിസ്താനില് ടെസ്റ്റ് പരമ്പരക്കിറങ്ങിയപ്പോൾ ബംഗ്ലാദേശ് പോലും കരുതിക്കാണില്ല ഇത്തരം ഒരു ക്ലൈമാക്സ്. ക്രിക്കറ്റ് ലോകത്തെ ആകമാനം ഞെട്ടിച്ച് പാക്കിസ്ഥാനെതിരായ പരമ്പര തൂത്തുവാരി ബംഗ്ലാദേശ്.Bangladesh swept the Test series against Pakistan
രണ്ടാം ടെസ്റ്റിന്റെ രണ്ടാമത്തെ ഇന്നിംഗ്സിൽ പാകിസ്താന് മുന്നോട്ട് വെച്ച 185 റണ്സ് വിജയലക്ഷ്യത്തെ നാല് വിക്കറ്റ് മാത്രം നഷ്ടപ്പെടുത്തി ബംഗ്ലാദേശ് മറികടക്കുകയായിരുന്നു. ലിറ്റന് ദാസിന്റെയും (138) മെഹതി ഹസന് മിറാസിന്റേയും (78) ബാറ്റിങ് പ്രകടനമാണ് ബംഗ്ലാദേശിന് കരുത്തായത്.
നേരത്തെ, പാകിസ്ഥാൻ തങ്ങളുടെ ഒന്നാം ഇന്നിംഗ്സിൽ 274 റൺസ് നേടിയപ്പോൾ ബംഗ്ലാദേശ് 262 റൺസിന് പുറത്തായി. രണ്ടാം ഇന്നിംഗ്സിൽ പാകിസ്ഥാൻ 172 റൺസിനും പുറത്തായിരുന്നു. ആദ്യ ടെസ്റ്റിൽ ബംഗ്ലാദേശ് 10 വിക്കറ്റിനും ജയിച്ചിരുന്നു.
രണ്ടാം ടെസ്റ്റിലെ വിജയത്തോടെ പരമ്പര ബംഗ്ലാദേശ് തൂത്തുവാരി. പാകിസ്താനെ സംബന്ധിച്ച് വലിയ നാണക്കേടും ബംഗ്ലാദേശിനെ സംബന്ധിച്ച് വലിയ അഭിമാനവുമായ വിജയമാണിത്. പാകിസ്താനില് ബംഗ്ലാദേശ് ടെസ്റ്റ് പരമ്പര നേടുന്നത് ഇതാദ്യമായാണ്.
