കൊച്ചി: ഹേമ കമ്മിറ്റി റിപ്പോര്ട്ടിൽ പ്രതികരിച്ച് ഫെഫ്ക ജനറല് സെക്രട്ടറി ബി ഉണ്ണികൃഷ്ണൻ. ഫെഫ്ക പ്രതികരിക്കാൻ വൈകിയത് മൗനം പാലിക്കല് അല്ലെന്നും ഫെഫ്ക്ക് കീഴിലുള്ള മറ്റു യൂണിയനുകളുടെ അഭിപ്രായം തേടേണ്ടിയിരുന്നുവെന്നും ബി ഉണ്ണികൃഷ്ണൻ പറഞ്ഞു. ഹേമ കമ്മിറ്റി റിപ്പോര്ട്ടിൽ എല്ലാവരുടെയും പേരുകള് പുറത്തുവരണമെന്നാണ് ഫെഫ്കയുടെ നിലപാട് എന്നും അദ്ദേഹം മാധ്യമങ്ങളോട് പ്രതികരിച്ചു.(B Unnikrishnan reacts on hema committee report)
കുറ്റം ചെയ്തെന്ന് തെളിഞ്ഞാല് എത്ര ഉന്നതനായാലും സംരക്ഷിക്കില്ല. ഹേമ കമ്മിറ്റി റിപ്പോര്ട്ട് സമര്പ്പിച്ച ജസ്റ്റിസ് ഹേമയെയും ബി ഉണ്ണികൃഷ്ണൻ വിമർശിച്ചു. നടിമാരുടെ വെളിപ്പെടുത്തല് ഉണ്ടായ സമയത്ത് തന്നെ ജസ്റ്റിസ് ഹേമ ഇടപെടണമായിരുന്നുവെന്ന് ബി ഉണ്ണികൃഷ്ണൻ പറഞ്ഞു. ന്യായാധിപയായി പ്രവര്ത്തിച്ച ആളാണ് ജസ്റ്റിസ് ഹേമ. അതിനാല് തന്നെ അവരുടെ മുമ്പാകെ വെളിപ്പെടുത്തല് വന്ന സമയത്ത് തന്നെ ഇടപെടേണ്ടിയിരുന്നുവെന്നും ബി ഉണ്ണികൃഷ്ണൻ പറഞ്ഞു.
ഹേമ റിപ്പോർട്ട് വന്ന ഉടൻ തന്നെ പ്രതികരണം നടത്താം എന്ന് ഫെഫ്ക തീരുമാനിച്ചതാണ്. മമ്മൂട്ടിയും മോഹൻലാലും അതിനെ അനുകൂലിച്ചു. എന്നാൽ, താരങ്ങൾ ഉൾപ്പെടെ പലരും എതിർത്തു. എന്നാൽ, അന്ന് ആ നിലപാട് എടുത്തവർ പിന്നീട് മാധ്യമങ്ങൾക്ക് മുന്നിൽ പുരോഗമനം സംസാരിച്ചു. ആഷിഖ് അബുവിന്റെ രാജി തമാശയായി തോന്നിയെന്നും ബി ഉണ്ണികൃഷ്ണൻ പറഞ്ഞു.
