ടിക്കറ്റില്ലാത്തതിന് പിഴയിട്ട് ടി.ടി.ഇ; യാത്രക്കാരുടെ ബഹളത്തെ തുടർന്ന് ട്രെയിൻ വൈകി
തൃശൂർ: ടിക്കറ്റില്ലാതെ യാത്ര ചെയ്തതിന് ടി.ടി.ഇ പിഴ ചുമത്തിയതോടെ അയ്യപ്പഭക്തർ ട്രെയിനിൽ പ്രതിഷേധം നടത്തി.
ഇതിനെ തുടർന്ന് ലോകമാന്യതിലക്–തിരുവനന്തപുരം നോർത്ത് (കൊച്ചുവേളി) എക്സ്പ്രസ് ട്രെയിൻ തൃശൂർ റെയിൽവേ സ്റ്റേഷനിൽ 19 മിനിറ്റ് പിടിച്ചിടേണ്ടിവന്നു.
സംഭവം ഇന്നലെയാണ് ഉണ്ടായത്.
കർണാടകയിൽ നിന്ന് ശബരിമലയിലേക്ക് യാത്ര ചെയ്തിരുന്ന 20 അയ്യപ്പഭക്തരിൽ മൂന്ന് പേർക്ക് ടിക്കറ്റില്ലെന്ന കാര്യം ടി.ടി.ഇ ചോദ്യം ചെയ്തതോടെയാണ് പ്രശ്നങ്ങൾ ആരംഭിച്ചത്.
പിഴ അടയ്ക്കണമെന്ന് അറിയിച്ചതോടെ ഭക്തർ തൃശൂർ റെയിൽവേ സ്റ്റേഷനിലെ ഒന്നാം പ്ലാറ്റ്ഫോമിൽ ഇറങ്ങി ശരണം വിളിച്ചുകൊണ്ട് പ്രതിഷേധം ആരംഭിച്ചു.
ഉച്ചയ്ക്ക് 2.19ന് തൃശൂരിലെത്തിയ ട്രെയിൻ 2.38നാണ് യാത്ര തുടർന്നത്. സാധാരണയായി രണ്ട് മിനിറ്റ് മാത്രമാണ് ഈ ട്രെയിനിന് തൃശൂരിൽ സ്റ്റോപ്പുള്ളത്.
ആർ.പി.എഫും റെയിൽവേ പൊലീസും ഇടപെട്ട് പ്രതിഷേധക്കാരെ കാര്യങ്ങൾ പറഞ്ഞു മനസിലാക്കി.
തുടർന്ന് ടിക്കറ്റില്ലാതെ യാത്ര ചെയ്ത മൂന്ന് പേരിൽ നിന്ന് ആയിരം രൂപ വീതം പിഴ ഈടാക്കിയ ശേഷമാണ് ട്രെയിൻ പുറപ്പെട്ടത്.
English Summary
A protest erupted on the Lokmanya Tilak–Thiruvananthapuram North (Kochuveli) Express at Thrissur after Ayyappa devotees objected to a fine imposed by the TTE for traveling without tickets. The train was detained for 19 minutes before authorities intervened and restored normalcy.
ayyappa-devotees-protest-ticketless-travel-thrissur-train-delay
Thrissur, Railway News, Ayyappa Devotees, Ticketless Travel, Indian Railways, Train Protest, Kerala News
