കോട്ടയം : നിത്യോപയോഗ സാധനവിലയും കുതിച്ചുയർന്നത് സാധാരണക്കാരെ ദുരിതത്തിലാക്കുന്നു. കിലോയ്ക്ക് 80 രൂപയിൽ താഴെ പച്ചക്കറി കിട്ടാനില്ല. ബീൻസ് സർവകാല റെക്കാഡ് വിലയായ 180-200ൽ എത്തി. പയറും,പാവക്കയും ,കാരറ്റും നൂറിൽ മുട്ടി. 60 ൽ നിന്ന് 80 ലേക്ക് കുതിക്കുന്ന തക്കാളിയ്ക്ക് കൂട്ടായി ചേനയും മുരിങ്ങക്കായുമുണ്ട്. സവാള മാത്രമാണ് 30 ൽ നിൽക്കുന്നത്. ഉള്ളി 80-100 രൂപയാണ്.

കടുത്ത വേനലിൽ തമിഴ്നാട്ടിലെ പച്ചക്കറി കൃഷി ഉണങ്ങിയതാണ് വില വർദ്ധനവിന് കാരണം. കേരളത്തിൽ കാലാവസ്ഥാ വ്യതിയാനം മൂലം കൃഷി നശിച്ചത് പ്രതികൂലമായി ബാധിച്ചേക്കും.
മത്സ്യ – മാംസ വിലയും, ഇറച്ചി വിലയും കുതിച്ചുയർന്നു. ചാക്കരി, കുത്തരി വില കിലോയ്ക്ക് നാലുമുതൽ ആറ് രൂപവരെ ഉയർന്നപ്പോൾ ബ്രാൻഡഡ് അരിവില 10 – 20 രൂപ ഉയർന്നു. പഞ്ചസാര, ഉഴുന്ന്, പയർ,പരിപ്പ്, തുടങ്ങിയവയുടെ വിലയും കൂടിയിട്ടുണ്ട്.

Read Also:ഒരിക്കൽ കുറേ വേദനിപ്പിച്ചതാണ്; പ്രതീക്ഷ നൽകി പിന്നെ വീണ്ടും വന്നു; ഇനിയും കൈവിട്ടാൽ അത് താങ്ങാനാവില്ല; കൊക്കോയ്ക്ക് പിന്നാലെ കാപ്പിവിലയും കൂപ്പുകുത്തി; കർഷകരുടെ കണ്ണീരായി കാപ്പി