കുട്ടികളുടെ അശ്ലീല വിഡിയോകളുടെ വൻ ശേഖരം; പിടികൂടിയത് ‘സാത്താനിക്’ ഗ്യാങ്ങിനെ
സിഡ്നി∙ കുട്ടികളെ ലക്ഷ്യമിട്ടുള്ള അന്തർദേശീയ അശ്ലീല–പീഡന റാക്കറ്റിനെ തിരിച്ചറിഞ്ഞ് ഓസ്ട്രേലിയയിൽ വൻ പൊലീസ് ഓപ്പറേഷൻ.
‘സാത്താനിക് ഗ്യാങ്’ എന്നറിയപ്പെടുന്ന അധോലോക സംഘം സൂക്ഷിച്ചിരുന്നത് 12 വയസ്സുവരെ പ്രായമുള്ള കുട്ടികളെ ലൈംഗികമായി പീഡിപ്പിക്കുന്നതിന്റെ ആയിരക്കണക്കിന് ദൃശ്യങ്ങളാണെന്ന് അന്വേഷണത്തിൽ കണ്ടെത്തി.
ന്യൂ സൗത്ത് വെയിൽസ് പൊലീസ് നടത്തിയ റെയ്ഡിലാണ് വിറപ്പ് പടർത്തുന്ന ദൃശ്യങ്ങൾ പിടികൂടിയത്.
അശ്ലീല വിഡിയോ നിർമ്മാണ ശൃംഖലയുമായി നേരിട്ട് ബന്ധമുള്ള നാല് പുരുഷന്മാരെ പൊലീസ് അറസ്റ്റ് ചെയ്തു.
സംഘം പ്രവർത്തിച്ചിരുന്ന വെബ്സൈറ്റ് ലോകത്തിന്റെ വിവിധ ഭാഗങ്ങളിൽ നിന്നുള്ളവർ ഉപയോഗിച്ചിരുന്നുവെന്നും, അതുവഴി രാജ്യാന്തര ബന്ധം വ്യക്തമായിത്തീർന്നുവെന്നും പൊലീസ് പറഞ്ഞു.
കണ്ടെത്തിയ വിഡിയോകളിൽ പ്രത്യക്ഷപ്പെട്ട കുട്ടികളെ അടിയന്തരമായി സുരക്ഷിതരാക്കാൻ പ്രത്യേക ടീം പ്രവർത്തനം ആരംഭിച്ചു.
കുട്ടികൾക്കെതിരെ പീഡനം നടന്നത് എവിടെയാണെന്ന് കണ്ടെത്തുക അടുത്ത ഘട്ടമാണെന്ന് ഓസ്ട്രേലിയൻ പൊലീസ് അറിയിച്ചു.
കൂടുതൽ അറസ്റ്റ് സാധ്യതയുണ്ടെന്നും അന്വേഷണം വ്യാപിപ്പിച്ചിരിക്കുകയാണെന്നും പൊലീസ് കൂട്ടിച്ചേർത്തു.
English Summary
Australian police have busted an international child exploitation racket in Sydney, run by a group known as the Satanic Gang. Thousands of horrific videos showing sexual abuse of children aged up to 12 were seized. Four men linked to a pornography-production ring were arrested. Investigators are now trying to identify and rescue the children seen in the videos, and expect more arrests soon.
Australia–Child–Exploitation–Racket–Bust
Australia, Crime, Child Abuse, International Racket, NSW Police
