ഇത് കേൾക്കുമ്പോൾ കുറഞ്ഞപക്ഷം മദ്യപാനികളുടെയെങ്കിലും മനസ്സ് തകരും. ബവ്റിജസ് കോർപറേഷന്റെ കടകളിൽ ഇറക്കിവച്ചപ്പോഴും കൈകാര്യം ചെയ്തപ്പോഴും പൊട്ടിയത് 2,97,700 മദ്യക്കുപ്പികൾ. 2022 ജനുവരി മുതൽ 2024 ജൂൺ വരെയുള്ള കണക്കാണിത്.Around 3 lakh liquor bottles were broken in Beverages in two and a half years
കൂടുതൽ വേദനിപ്പിക്കേണ്ടെന്നു കരുതിയാകും, ഇതിൽ ഇനവും ബ്രാൻഡും അളവും തിരിച്ചുള്ള കണക്ക്, വിവരാവകാശ പ്രകാരമുള്ള അന്വേഷണത്തിനു മറുപടിയായി കോർപറേഷൻ നൽകിയിട്ടില്ല.
ഓരോ മാസവും അബദ്ധത്തിൽ പൊട്ടുന്ന കുപ്പിക്ക് കോർപ്പറേഷന് ഒരു കണക്കൊക്കെയുണ്ട്. ഓരോ മാസവും വിൽപന നടത്തിയതിന്റെ 0.05% കുപ്പികൾ അബദ്ധത്തിൽ പൊട്ടിപ്പോയാലും കോർപറേഷൻ സഹിക്കും. ഇത്തരത്തിൽ പൊട്ടിയ കുപ്പികളുടെ പേരിൽ ബവ്റിജസ് കോർപറേഷനു നഷ്ടമില്ലെന്നതാണു കാര്യം.
ഈ നഷ്ടം സഹിക്കേണ്ടത് അതതു മദ്യക്കമ്പനികളാണ്. പക്ഷേ അനുവദിച്ച അളവിനു മുകളിലാണു പൊട്ടിയ കുപ്പികളുടെ എണ്ണമെങ്കിൽ കടയിലെ ജീവനക്കാർ നഷ്ടം സഹിക്കണം.
