ഭർത്താവുമായി വഴക്കിട്ടതിനെ തുടർന്ന് സ്വന്തം മകളെ കൊലപ്പെടുത്തി യുവതി. തിങ്കളാഴ്ച വൈകിട്ട് നാഗ്പൂർ എംഐഡിസി പോലീസ് സ്റ്റേഷൻ പരിധിയിലാണ് സംഭവം. കൊലപാതകത്തിനുശേഷം വിവരം പോലീസിനെ അറിയിക്കാൻ കുഞ്ഞിന്റെ മൃതദേഹവുമായി യുവതി നാല് കിലോമീറ്റർ ആണ് നടന്നത്. ട്വിങ്കിൾ റൗട്ട് (24) എന്ന യുവതിയാണ് സ്വന്തം കുഞ്ഞിനെ കൊലപ്പെടുത്തിയത്. ഭർത്താവ് ലക്ഷ്മൺ, ട്വിങ്കിൾ എന്നിവർ നാലുവർഷം മുൻപാണ് ജോലി തേടി നാഗ്പൂരിൽ എത്തിയത്. ഒരേ കമ്പനിയിൽ ജോലി ചെയ്തിരുന്ന ഇവർ സംശയത്തിന്റെ പേരിൽ കലഹിക്കുക പതിവായിരുന്നു എന്ന് അയൽക്കാർ പറയുന്നു. തിങ്കളാഴ്ച വൈകിട്ട് ദമ്പതികൾ തമ്മിൽ സംഘർഷം ഉണ്ടായി. ഇരുവരും തമ്മിൽ വഴക്കിടുന്നതിനിടെ മകൾ കരയാൻ തുടങ്ങി. ഇതോടെ ദേഷ്യം പൂണ്ട യുവതി മകളെയും എടുത്ത് പുറത്തേക്ക് പോവുകയും പുറത്തുവച്ച് ശ്വാസംമുട്ടിച്ച് കൊലപ്പെടുത്തുകയും ആയിരുന്നു. വിവരം പോലീസിൽ അറിയിക്കുന്നതിനായി യുവതി തന്നെയാണ് കുഞ്ഞിന്റെ മൃതദേഹവുമായി നാല് കിലോമീറ്ററോളം നടന്നത്. ഇതിനിടെ കുഞ്ഞിന്റെ മൃതദേഹവുമായി യുവതി നടക്കുന്നത് കണ്ട പോലീസ് പെട്രോൾ സംഘം ഇവരെ കസ്റ്റഡിയിലെടുക്കുകയായിരുന്നു. തുടർന്ന് ഉടൻതന്നെ കുഞ്ഞിനെ ആശുപത്രിയിൽ എത്തിച്ചെങ്കിലും അപ്പോഴേക്കും മരിച്ചിരുന്നു. യുവതിയെ പോലീസ് അറസ്റ്റ് ചെയ്തു.
Read also: പാലായിൽ എത്തിയാൽ ‘മലദൈവത്തെ’ കാണാം ! കോട്ടയം ഏറ്റുമാനൂർ സ്വദേശി പകർത്തിയ ചിത്രം വൈറലാകുന്നു
