വിവാഹമോചനത്തിന് ശേഷം പ്രതികരണവുമായി സംഗീതസംവിധായകൻ എ.ആർ റഹ്മാൻ. കഴിഞ്ഞ ദിവസമാണ് 29 വർഷത്തെ വിവാഹജീവിതം റഹ്മാൻ – സൈറ ദമ്പതികൾ അവസാനിപ്പിച്ച വിവരം പുറത്തുവന്നത്. സൈറയുടെ അഭിഭാഷക വന്ദന ഷായാണ് ഇരുവരും വേർപിരിയാനുള്ള തീരുമാനത്തെക്കുറിച്ച് ഔദ്യോഗിക പ്രസ്താവന പുറത്തിറക്കിയത്. AR Rahman responds to divorce news
പോസ്റ്റിന്റെ പൂർണരൂപം – ‘മുപ്പതിൽ എത്തുമെന്ന് ഞങ്ങൾ പ്രതീക്ഷിച്ചിരുന്നു, എന്നാൽ എല്ലാത്തിനും അദൃശ്യമായ അന്ത്യം സംഭവിക്കുന്നതായി തോന്നുന്നു. തകർന്ന ഹൃദയങ്ങളുടെ ഭാരത്താൽ ദൈവത്തിന്റെ സിംഹാസനം പോലും വിറച്ചേക്കാം. എന്നിട്ടും, ഈ തകർച്ചയിലും ഞങ്ങൾ അർഥം തേടുന്നു, വേർപെട്ടവ വീണ്ടും പഴയപടി ആവില്ലെങ്കിലും. ഈ ദുർബലമായ അധ്യായത്തിലൂടെ ഞങ്ങൾ സഞ്ചരിക്കുമ്പോൾ നിങ്ങളുടെ ദയയ്ക്കും ഞങ്ങളുടെ സ്വകാര്യതയെ മാനിച്ചതിനും സുഹൃത്തുക്കൾക്ക് നന്ദി.’
