ഏപ്രിൽ 1 മുതൽ രാജ്യത്ത് പുതിയ നിയമങ്ങൾ: പാൻ, ഫാസ്റ്റാഗ്, ബാങ്കിംഗ് ഉൾപ്പെടെ വലിയ മാറ്റങ്ങൾ
ന്യൂഡൽഹി: ഏപ്രിൽ ഒന്നുമുതൽ രാജ്യത്തെ സാമ്പത്തിക, ബാങ്കിംഗ്, യാത്രാ മേഖലകളിൽ നിരവധി നിർണായക മാറ്റങ്ങൾ പ്രാബല്യത്തിൽ വരും. സാധാരണക്കാരുടെ ദൈനംദിന ജീവിതത്തെ നേരിട്ട് ബാധിക്കുന്ന പരിഷ്കാരങ്ങളാണ് നടപ്പിലാക്കുന്നത്.
റിസർവ് ബാങ്ക് ഓഫ് ഇന്ത്യയുടെ പുതുക്കിയ ചട്ടങ്ങൾ പ്രകാരം സ്വർണപ്പണയ വായ്പയ്ക്ക് പുതിയ പരിധികൾ നിശ്ചയിച്ചു. ₹2.5 ലക്ഷം വരെ വായ്പയ്ക്ക് 85% വരെ ലഭിക്കും. ₹2.5 ലക്ഷം മുതൽ ₹5 ലക്ഷം വരെ 80%യും ₹5 ലക്ഷം മുകളിലായി 75%യും ലഭ്യമാകും. പലിശയും ഉൾപ്പെടുത്തി മൂല്യം കണക്കാക്കുന്നതിനാൽ ലഭിക്കുന്ന തുക കുറയാൻ സാധ്യതയുണ്ട്.
പാൻ കാർഡ് സംബന്ധിച്ചും നിർണായക മാറ്റങ്ങൾ വരുന്നു. ഇനി ആധാർ മാത്രം ഉപയോഗിച്ച് അപേക്ഷിക്കാൻ സാധിക്കില്ല. ജനനത്തീയതി തെളിയിക്കാൻ ജനന സർട്ടിഫിക്കറ്റ്, വോട്ടർ ഐഡി, SSLC, പാസ്പോർട്ട്, ഡ്രൈവിംഗ് ലൈസൻസ് എന്നിവയിൽ ഏതെങ്കിലും രേഖ നിർബന്ധമാകും. കൂടാതെ പുതിയ അപേക്ഷാ ഫോമുകളും നിലവിൽ വരും.
പാൻ നിർബന്ധമായ ഇടപാടുകളുടെ പരിധികളും പുതുക്കി. വർഷത്തിൽ ₹10 ലക്ഷം മുകളിലുള്ള ബാങ്ക് ഇടപാടുകൾക്കും ₹20 ലക്ഷം മുകളിലുള്ള സ്വത്ത് വാങ്ങലുകൾക്കും ₹5 ലക്ഷം മുകളിലുള്ള വാഹന വാങ്ങലുകൾക്കും ₹1 ലക്ഷം മുകളിലുള്ള ഹോട്ടൽ ചെലവുകൾക്കും പാൻ നിർബന്ധമാകും.
നാഷണൽ ഹൈവേ അതോറിറ്റി ഓഫ് ഇന്ത്യയുടെ പ്രഖ്യാപനപ്രകാരം ഫാസ്റ്റാഗ് വാർഷിക പാസ് നിരക്ക് ₹3000ൽ നിന്ന് ₹3075 ആയി വർധിപ്പിച്ചു. വർഷത്തിൽ 200 ടോൾ യാത്രകൾ സൗജന്യമായി ലഭിക്കും.
ആദായനികുതി സംവിധാനത്തിലും മാറ്റമുണ്ട്. FY, AY, PY എന്നീ പദങ്ങൾ ഒഴിവാക്കി ഇനി “Tax Year” എന്ന ഏക പദം മാത്രമേ ഉപയോഗിക്കൂ.
ഡിജിറ്റൽ ഇടപാടുകൾ കൂടുതൽ ശക്തിപ്പെടുത്തുന്നതിന്റെ ഭാഗമായി ടോൾ പ്ലാസകളിൽ കാഷ് പേയ്മെന്റ് അവസാനിപ്പിക്കും. FASTag, UPI തുടങ്ങിയ ഡിജിറ്റൽ മാർഗങ്ങൾ മാത്രമേ അനുവദിക്കൂ. എല്ലാ ഡിജിറ്റൽ ഇടപാടുകൾക്കും Two-Factor Authentication നിർബന്ധമാകും.
സീറോ ബാലൻസ് ബാങ്ക് അക്കൗണ്ടുകൾക്കും കൂടുതൽ സൗകര്യങ്ങൾ ലഭിക്കും. ഇന്റർനെറ്റ്, മൊബൈൽ ബാങ്കിംഗ്, സൗജന്യ ATM കാർഡ്, 25 ചെക്ക് ലീഫ്, വർഷത്തിൽ നാല് സൗജന്യ പിൻവലിക്കൽ എന്നിവ ഉൾപ്പെടുന്നു.
ട്രെയിൻ ടിക്കറ്റ് റദ്ദാക്കൽ ചട്ടങ്ങളിലും മാറ്റം വരുത്തി. യാത്രയ്ക്ക് 8 മണിക്കൂറിനുള്ളിൽ റദ്ദാക്കിയാൽ പണം തിരികെ ലഭിക്കില്ല. 8 മുതൽ 24 മണിക്കൂറിനുള്ളിൽ 50%യും 24 മുതൽ 72 മണിക്കൂറിനുള്ളിൽ 25%യും കുറവ് ഉണ്ടായിരിക്കും. 72 മണിക്കൂറിന് മുമ്പ് റദ്ദാക്കുന്നവർക്ക് കൂടുതൽ റീഫണ്ട് ലഭിക്കും.
ഏപ്രിൽ 1 മുതൽ പ്രാബല്യത്തിൽ വരുന്ന ഈ മാറ്റങ്ങൾ സുതാര്യതയും ഡിജിറ്റലൈസേഷനും ലക്ഷ്യമിട്ടുള്ളതാണെങ്കിലും പൊതുജനങ്ങൾ കൂടുതൽ ജാഗ്രത പുലർത്തേണ്ടതുണ്ട്.
English Summary
Several major changes will come into effect across India from April 1, impacting banking, taxation, travel, and financial sectors.
april-1-new-rules-india-pan-fastag-banking-changes
April 1 Rules, India, PAN Card, FASTag, RBI, Banking, Income Tax, Indian Railways, Digital Payments
