ഐഫോൺ 17 സീരീസ് ലോഞ്ച് നാളെ, അറിയാം എട്ടു ഫീച്ചറുകൾ
ന്യൂഡൽഹി: ലോകമെമ്പാടുമുള്ള സ്മാർട്ട്ഫോൺ പ്രേമികൾ ഏറെ ആകാംക്ഷയോടെ കാത്തിരിക്കുന്ന ഐഫോൺ 17 സീരീസ് നാളെ ഔദ്യോഗികമായി പുറത്തിറങ്ങും.
അമേരിക്കയിലെ സ്റ്റീവ് ജോബ്സ് തിയറ്ററിൽ നടക്കുന്ന പരിപാടിയിലാണ് ആപ്പിൾ പുതിയ മോഡലുകൾ അവതരിപ്പിക്കുക. ഈ സീരീസിൽ ഐഫോൺ 17, ഐഫോൺ 17 പ്രോ, ഐഫോൺ 17 പ്രോ മാക്സ്, ഐഫോൺ 17 എയർ എന്നിവയാണ് ഉൾപ്പെടുന്നത്.
ഇന്ത്യയിൽ സെപ്റ്റംബർ 12 മുതൽ പ്രീ-ഓർഡറുകൾ ആരംഭിക്കും. സെപ്റ്റംബർ 19 മുതൽ വിൽപ്പന നടക്കും.
എ19 ബയോണിക് ചിപ്പ്, iOS 26
എല്ലാ മോഡലുകളും പുതിയ എ19 ബയോണിക് ചിപ്പിലാണ് പ്രവർത്തിക്കുക. TSMCയുടെ 3nm പ്രോസസ്സിലാണ് ഈ ചിപ്പ് നിർമ്മിച്ചിരിക്കുന്നത്. അതിനാൽ വേഗത, ഊർജ്ജ കാര്യക്ഷമത, മെച്ചപ്പെട്ട എഐ പ്രകടനം എന്നിവ ഉപയോക്താക്കൾക്ക് ലഭിക്കും.
പുതിയ iOS 26-ലൂടെ സ്മാർട്ട് സിരി, കൂടുതൽ സുരക്ഷാ ഫീച്ചറുകൾ, എഐ അധിഷ്ഠിത പ്രോഡക്റ്റിവിറ്റി ടൂൾസ് എന്നിവയൊക്കെ കൂടി വരും. ഹാർഡ്വെയറും സോഫ്റ്റ്വെയറും ചേർന്ന് മികച്ച പ്രകടനമാണ് ആപ്പിൾ വാഗ്ദാനം ചെയ്യുന്നത്.
ഡിസൈൻ മാറ്റങ്ങൾ
ഐഫോൺ 17 പ്രോ, പ്രോ മാക്സ് മോഡലുകളിൽ പിന്നിലെ പാനൽ അലുമിനിയം-ഗ്ലാസ് ഡിസൈനായിരിക്കും. ടൈറ്റാനിയത്തിന്റെ ഉപയോഗം ഒഴിവാക്കാനാണ് സാധ്യത. കൂടാതെ ആന്റി-റിഫ്ലെക്റ്റീവ് ഗ്ലാസ് ഉൾപ്പെടുത്തിയതുകൊണ്ട് സ്ക്രാച്ച് റെസിസ്റ്റൻസ് കൂടുതൽ ആയിരിക്കും.
ക്യാമറയുടെ ഐലൻഡിൽ പുതുമ കൊണ്ടുവന്ന് ഫോൺ രൂപത്തിൽ വലിയ മാറ്റം വരുത്തുമെന്നും റിപ്പോർട്ടുകൾ പറയുന്നു.
ക്യാമറയിലെ അപ്ഗ്രേഡുകൾ
ക്യാമറയിൽ വലിയ പുരോഗതിയാണ് പ്രതീക്ഷിക്കുന്നത്. ഐഫോൺ 17 പ്രോ, പ്രോ മാക്സ് മോഡലുകളിൽ 48MP ടെലിഫോട്ടോ ലെൻസ് ഉണ്ടാകും. ഇതുവഴി 8x ഓപ്റ്റിക്കൽ സൂം ലഭിക്കും.
24MP സെൽഫി ക്യാമറ കൂടി വരും. അതിനാൽ വീഡിയോ കോൾ, സെൽഫി, വ്ലോഗിങ് എന്നിവ കൂടുതൽ ഗുണമേന്മയോടെ സാധിക്കും.
കൂടാതെ 8K വീഡിയോ റെക്കോർഡിംഗ്, ഡ്യുവൽ വീഡിയോ റെക്കോർഡിങ് (മുന്നിലും പിന്നിലും ഒരേസമയം) എന്നിവയും വരും. ലോ-ലൈറ്റ് ഫോട്ടോഗ്രാഫിയിൽ മികച്ച ഫലം ലഭിക്കുമെന്നും സൂചനയുണ്ട്.
പെർഫോമൻസ്, ബാറ്ററി
ഹീറ്റിംഗ് പ്രശ്നങ്ങൾ ഒഴിവാക്കാൻ വേപ്പർ ചേംബർ കൂളിങ് സിസ്റ്റം പ്രോ മോഡലുകളിൽ ഉണ്ടാകും. ഗെയിമിംഗിനും ഹെവി ടാസ്കുകൾക്കും ഇത് സഹായകരമാകും.
ബാറ്ററിയിലും വലിയ മാറ്റം. ഐഫോൺ 17 പ്രോ മാക്സിൽ 5000mAh ശേഷിയുള്ള ബാറ്ററിയായിരിക്കും. സോഫ്റ്റ്വെയർ ഒപ്റ്റിമൈസേഷനോടൊപ്പം ഇത് മികച്ച ഉപയോഗസമയം നൽകും.
വില സംബന്ധിച്ച സൂചനകൾ
ഓദ്യോഗിക പ്രഖ്യാപനം വന്നിട്ടില്ലെങ്കിലും, ഐഫോൺ 17-ന്റെ അടിസ്ഥാന വില ഏകദേശം ₹79,900 ആയിരിക്കാം. ഐഫോൺ 17 പ്രോ മോഡലുകളുടെ വില ₹1,29,900 കടന്നേക്കും.
ആപ്പിളിന്റെ ഐഫോൺ 17 സീരീസ് ചരിത്രത്തിലെ ഏറ്റവും വലിയ അപ്ഡേറ്റുകളിൽ ഒന്നാകുമെന്ന് വിദഗ്ധർ വിലയിരുത്തുന്നു.
അധികം കനം കുറഞ്ഞ ഐഫോൺ എയർ, മെച്ചപ്പെട്ട ക്യാമറകൾ, എഐ അധിഷ്ഠിത iOS 26, എ19 ബയോണിക് ചിപ്പ് എന്നിവ സീരീസിന്റെ ഹൈലൈറ്റുകളായിരിക്കും.
ഐഫോൺ 17 പ്രോ മോഡലുകൾക്ക് 8K വീഡിയോകൾ പകർത്താനും ഡ്യുവൽ വീഡിയോ റെക്കോർഡിങ് സവിശേഷത വാഗ്ദാനം ചെയ്യാനും കഴിയും എന്നതാണ്. ഈ പുതിയ ഫീച്ചർ വഴി ഒരേസമയം പിൻഭാഗത്തുനിന്നും സെൽഫി കാമറയിൽ നിന്നും വീഡിയോകൾ പകർത്താൻ കഴിയും.
അവസാനമായി, പ്രോ മോഡലുകൾക്ക് അപ്ഗ്രേഡ് ചെയ്ത ബാറ്ററി ലൈഫ് ലഭിക്കുമെന്ന് സൂചനയുണ്ട്. ഐഫോൺ 17 പ്രോ മാക്സിന് 5000mAh ബാറ്ററിയുടെ പിന്തുണയുണ്ടെന്ന് അഭ്യൂഹമുണ്ട്.
ബാറ്ററി ലൈഫ് മെച്ചപ്പെടുത്തുന്നതിന് സോഫ്റ്റ്വെയർ അധിഷ്ഠിത മെച്ചപ്പെടുത്തലുകളും ആപ്പിൾ കൊണ്ടുവന്നേക്കാം.
ENGLISH SUMMARY:
Apple set to launch iPhone 17 series tomorrow at Steve Jobs Theater, featuring iPhone 17, Pro, Pro Max, and Air with A19 Bionic and iOS 26.
