ഒരു കൊതുകിനെ കൊല്ലാനുള്ള ശ്രമം അവസാനിച്ചത് ലക്ഷങ്ങളുടെ നഷ്ടത്തിൽ. ഒരു കൊതുക് വേട്ട നടത്തി അവസാനം രണ്ട് ലക്ഷം രൂപയുടെ സ്മാര്ട്ട് ടിവി നഷ്ടമായതിന്റെ വർത്തയാണിപ്പോൾ സമൂഹ മാധ്യമങ്ങളിൽ പ്രചരിക്കുന്നത്.
പ്രചരിക്കുന്ന വീഡിയോയില് വീട്ടിലെ സ്വീകരണ മുറിയിലിരുന്ന് ഒരു കുട്ടി ടിവി കാണുന്നത് കാണാം. ഇതിനിടെ അച്ഛന് ഒരു മോസ്കിറ്റോ ബാറ്റുമായി കൊതുകിനെ പിടിക്കാന് നടക്കുന്നു. കൊതുക് പറന്ന് പോയി വില കൂടിയ ടിവിയുടെ സ്ക്രിനില് പോയി ഇരിക്കുന്നു.
Watch Video:
https://www.instagram.com/reel/DJl-9lUOkUs/?utm_source=ig_web_copy_link
കൊതുകിനെ പിടിക്കാനായി അദ്ദേഹം മോസ്കിറ്റോ ബാറ്റ് ടിവിയുടെ സ്ക്രീനില് ഒന്ന് തൊട്ടത്തോടെ കളി മാറി. മോസ്കിറ്റോ ബാറ്റില് നിന്നുള്ള വൈദ്യുതി പ്രവാഹം ടിവി സ്ക്രീനില് ഒരു നിമിഷാര്ദ്ധത്തേക്ക് മൂന്നാല് വരകൾ സൃഷ്ടിച്ചു. പിന്നാലെ സ്ക്രീനിലെ ദൃശ്യങ്ങളിലേക്ക് വെള്ള നിറം പടരുകയും പെട്ടെന്ന് തന്നെ ടിവി ഓഫാകുകയും ചെയ്തു.
മോസ്കിറ്റോ ബാറ്റില് നിന്നുള്ള ഹൈവേൾട്ടേജ്, ടിവി സ്ക്രീനിലേക്ക് നേരിട്ട് വൈദ്യുതി പ്രവാഹത്തിന് കാരണമായെന്നും ഇത് ടിവിയുടെ സര്ക്യൂട്ട് നശിപ്പിച്ചെന്നും ആണ് ആളുകൾ പറയുന്നത്.
