തിരുവനന്തപുരം: സ്കൂൾ ബസിന് പിന്നിൽ കെഎസ്ആര്ടിസി ബസ് ഇടിച്ച് അപകടം.
ആലങ്കോട് സിഗ്നലിൽ നിര്ത്തിയിട്ടിരുന്ന സ്കൂള് ബസിന്റെ പിന്നിൽ തിരുവനന്തപുരം ഭാഗത്തേക്ക് പോയ കെഎസ്ആര്ടിസി ബസ് ഇടിക്കുകയായിരുന്നു.
ഇടിയുടെ ആഘാതത്തിൽ സ്കൂൾ ബസിന്റെ പിൻസീറ്റിലിരുന്ന 5 വിദ്യാർഥികളടക്കം 11 പേരെ ആശുപത്രിയിൽ പ്രവേശിപ്പിച്ചു.
ആറ്റിങ്ങല് ഡയറ്റ് സ്കൂളിലെ ബസാണ് അപകടത്തിൽപ്പെട്ടത്. കെഎസ്ആര്ടിസി ബസിന്റെ നിയന്ത്രണം നഷ്ടപ്പെട്ട് ഇടിക്കുകയായിരുന്നുവെന്നാണ് പുറത്തു വരുന്ന വിവരം.
മുപ്പതോളം വിദ്യാർഥികളാണ് സ്കൂൾ ബസിൽ ഉണ്ടായിരുന്നത്. എന്നാൽ ആശുപത്രിയിൽ പ്രവേശിപ്പിച്ച വിദ്യാർഥികൾക്ക് നിസാര പരിക്കുകൾ മാത്രമാണുള്ളത്. ആർക്കും ഗുരുതര പരിക്കുകളൊന്നുമില്ല.
English Summary:
An accident occurred when a KSRTC bus rammed into the rear of a school bus that was halted at a traffic signal, injuring 11 students who were subsequently taken to the hospital.
