ഗോപി സുന്ദറുമായി വേർപിരിഞ്ഞത് എന്തുകൊണ്ട്? കാരണം വ്യക്തമാക്കി അമൃത സുരേഷ്

ഗോപി സുന്ദറുമായി വേർപിരിഞ്ഞത് എന്തുകൊണ്ട്? കാരണം വ്യക്തമാക്കി അമൃത സുരേഷ്

കൊച്ചി: സംഗീതസംവിധായകൻ ഗോപി സുന്ദറുമായി വേർപിരിയാനുള്ള കാരണം വ്യക്തമാക്കി ഗായിക അമൃത സുരേഷ്.

ഒരുഘട്ടം കഴിഞ്ഞപ്പോൾ ബന്ധം തുടർന്നാൽ ഇപ്പോഴുള്ള സ്നേഹവും നഷ്ടപ്പെടുമെന്നു തോന്നിയതോടെ ഇരുവരും ചേർന്നാണ് പിരിയാൻ തീരുമാനിച്ചതെന്ന് അമൃത പറഞ്ഞു.

100 ശതമാനം ഇഷ്ടത്തോടെ തുടങ്ങിയ ബന്ധം

ബന്ധം തുടങ്ങിയത് പൂർണ്ണമായും ഇഷ്ടത്തോടും ആത്മാർത്ഥതയോടുമാണെന്ന് അമൃത വ്യക്തമാക്കി. ഏറെ വർഷങ്ങൾക്ക് ശേഷം എടുത്ത വലിയ തീരുമാനമായിരുന്നു അത്.

സംഗീതമാണ് ഇരുവരെയും ബന്ധിപ്പിച്ച പ്രധാന കാര്യമെന്നും ഈ ബന്ധം നന്നായി മുന്നോട്ടുപോകുമെന്ന് വിശ്വസിച്ചിരുന്നുവെന്നും അവർ പറഞ്ഞു.

ലോക്കൽ ട്രെയിനിൽ സീറ്റ് കിട്ടാൻ യുവതിയുടെ ‘ഹാക്ക്’; വീഡിയോ വൈറൽ

അച്ഛന്റെ മരണ സമയത്ത് വലിയ പിന്തുണ

തന്റെ ജീവിതത്തിലെ കഠിനഘട്ടമായിരുന്ന അച്ഛന്റെ മരണ സമയത്ത് ഗോപി സുന്ദർ വലിയ പിന്തുണയായി ഉണ്ടായിരുന്നുവെന്ന് അമൃത പറഞ്ഞു. “മകനെ പോലെ നിന്നത് ഒരിക്കലും മറക്കാനാവില്ല” എന്നും അവർ കൂട്ടിച്ചേർത്തു.

അച്ഛന്റെ മരണശേഷം മരുമകനായി ചെയ്യേണ്ട ചില കര്‍മ്മങ്ങൾ ചെയ്യാനും കൊള്ളിവയ്ക്കാനുമായിരിക്കാം ഗോപി തൻ്റെ ജീവിതത്തിൽ കടന്നുവന്നതെന്നും ഗായിക പങ്കുവച്ചു.

‘ബന്ധം ചീഞ്ഞ് അടിയാകരുതെന്ന്’ തീരുമാനിച്ചു

കുറേ വർഷങ്ങളായി അനുഭവിച്ച വേദനകളും മാനസിക ബുദ്ധിമുട്ടുകളും കഴിഞ്ഞ് ആരെങ്കിലും പിന്തുണയായി വരുന്നത് വലിയ കാര്യമാണെന്നും, വ്യക്തിപരമായി തനിക്ക് ഗോപി സുന്ദർ വലിയ പിൻബലമായിരുന്നുവെന്നും അമൃത പറഞ്ഞു.

അതേസമയം, ഒരുഘട്ടത്തിൽ ബന്ധം തുടർന്നാൽ ഇപ്പോഴുള്ള സ്നേഹം പോലും നഷ്ടപ്പെടുമെന്നു തോന്നിയതോടെ, പിന്നീട് അത് ചീഞ്ഞ് അടിയാകുന്നതിന് മുമ്പ് അവസാനിപ്പിക്കാമെന്ന തീരുമാനം ഇരുവരും ചേർന്നാണ് എടുത്തതെന്നും അമൃത വ്യക്തമാക്കി.

അഭിമുഖത്തിൽ പ്രതികരണം

‘പിഴ’ എന്ന പുതിയ ആൽബത്തിന്റെ പശ്ചാത്തലത്തിൽ നൽകിയ അഭിമുഖത്തിലാണ് അമൃത സുരേഷ് ഈ കാര്യങ്ങൾ വിശദീകരിച്ചത്.

English Summary:

Singer Amrutha Suresh revealed the reason behind her breakup with music composer Gopi Sundar. She said their relationship began with genuine feelings, but both later felt continuing it might damage the affection they shared. Hence, they mutually decided to part ways before the relationship turned bitter.