കിച്ച്ഡിയിൽ ഫിനൈൽ കലർത്തി കൊലപാതകം! നവവധുവിന്റെ ക്രൂരത
അൽവാർ: വിവാഹം കഴിഞ്ഞ് ഒരു മാസത്തിനുള്ളിൽ അമ്മായിയമ്മയെ വിഷം നൽകി കൊലപ്പെടുത്തിയെന്നാരോപിച്ച് നവവധുവിനെതിരെ കേസ്. രാജസ്ഥാനിലെ അൽവാർ ജില്ലയിലാണ് സംഭവം. രേഖ കൗർ എന്ന യുവതിയാണ് ഭർത്താവിന്റെ മാതാവിനെ കൊലപ്പെടുത്തിയ ശേഷം സ്വർണവും പണവും കൈക്കലാക്കി ഒളിവിൽ പോയതെന്ന് പൊലീസ് അറിയിച്ചു.
2025 മെയിലാണ് രേഖ കൗറും വിക്രംജീത് സിങ്ങും വിവാഹിതരായത്. രേഖയുടെ രണ്ടാം വിവാഹമാണിത്. വിവാഹത്തിന് പിന്നാലെ തന്നെ യുവതിയുടെ പെരുമാറ്റത്തിൽ മാറ്റങ്ങൾ ഉണ്ടായതായി കുടുംബാംഗങ്ങൾ പറയുന്നു.
ജൂൺ 23-നാണ് സംഭവം. രേഖ തയ്യാറാക്കിയ കിച്ച്ഡിയിൽ ഫിനൈൽ കലർത്തി അമ്മായിയമ്മയ്ക്ക് നൽകിയതിലൂടെ കൊലപ്പെടുത്തിയെന്നാണ് അന്വേഷണത്തിൽ കണ്ടെത്തിയത്. തുടർന്ന് ആഭരണങ്ങളും ഏകദേശം 30,000 രൂപയും കൈവശപ്പെടുത്തി യുവതി രക്ഷപ്പെടുകയായിരുന്നു.
ആദ്യഘട്ടത്തിൽ പരാതി നൽകിയിട്ടും കാര്യമായ നടപടി ഉണ്ടായില്ലെന്നാണ് കുടുംബത്തിന്റെ ആരോപണം. തുടർന്ന് വിക്രംജീത് സിങ് കോടതിയെ സമീപിച്ചതോടെ അന്വേഷണം ശക്തമായി.
കേസിൽ രേഖ കൗറിന്റെ അമ്മായിയായ പിങ്ക് കൗറിനും പങ്കുണ്ടെന്ന് പിന്നീട് പൊലീസ് കണ്ടെത്തി. ഇരുവരും ചേർന്ന് സമാനമായ കുറ്റകൃത്യങ്ങൾ ആസൂത്രണം ചെയ്തതായും അന്വേഷണത്തിൽ തെളിഞ്ഞിട്ടുണ്ട്.
പോലീസ് കേസിൽ അന്വേഷണം തുടരുകയാണ്.
English Summary
In a shocking incident in Alwar, Rajasthan, a newly married woman allegedly poisoned and killed her mother-in-law within a month of marriage. She is accused of mixing phenyl in food and fleeing with gold and cash. Police later found that another relative was also involved, and the investigation is ongoing.
Alwar News, Rajasthan Crime, Murder Case, Family Crime, India News, Breaking News, Crime News
