കൊച്ചി: സംസ്ഥാനത്ത് സ്വർണത്തിന് വീണ്ടും റെക്കോർഡ് വില. പവന് 960 രൂപ കൂടി ഒരു പവന് സ്വർണത്തിന്റെ വില 52,000 കടന്നു. 52,280 രൂപയാണ് ഇന്ന് ഒരു പവൻ സ്വർണത്തിനു രേഖപ്പെടുത്തിയിരിക്കുന്നത്. ഒരു ഗ്രാമിന് 6535 രൂപയായി. ഒമ്പത് ദിവസത്തിനിടെ 2,920 രൂപയാണ് വർധിച്ചത്.
ഏപ്രിൽ നാലിന് റെക്കോർഡ് വിലയിലെത്തിയിരുന്നു. പവന് 400 രൂപ കൂടി 51,680 രൂപയായിരുന്നു. ഒരു ഗ്രാം സ്വർണത്തിന് 50 രൂപ കൂടി 6,460 രൂപയിലുമെത്തി. ഏപ്രിൽ മൂന്നിന് പവന് 600 രൂപ വര്ധിച്ചിരുന്നു. അന്താരാഷ്ട്രതലത്തില് വില കൂടിയതാണ് സംസ്ഥാനത്തും സ്വര്ണവില കൂടാന് കാരണം.
ഡോളറിനോട് രൂപയുടെ മൂല്യം ഇടിഞ്ഞതും സുരക്ഷിത നിക്ഷേപമായി സ്വര്ണം വാങ്ങുന്നവരുടെ എണ്ണം വര്ധിച്ചതും വില വര്ധനയ്ക്ക് കാരണമായിട്ടുണ്ട്.
