അരിക്കും ആട്ടയ്ക്കും പിന്നാലെ കേന്ദ്ര സർക്കാരിന്റെ ഭാരത് പരിപ്പും വിപണിയിലേക്ക്

ന്യൂഡൽഹി: ഭാരത് അരിക്കും ആട്ടയ്ക്കും പിന്നാലെ കേന്ദ്ര സർക്കാരിന്റെ ഭാരത് പരിപ്പും വിപണിയിലേക്ക്. വിപണിയിൽ കിലോയ്ക്ക് 93.5 രൂപയുള്ള ചുവന്ന പരിപ്പ് അടുത്തയാഴ്ചയോടെ ‘ഭാരത്’ ബ്രാൻഡിൽ 89 രൂപ നിരക്കിൽ വിപണിയിലെത്തിക്കാനാണു കേന്ദ്ര ഭക്ഷ്യവകുപ്പിന്റെ ആലോചന. റേഷൻ കടകൾ, കേന്ദ്രീയ ഭണ്ഡാർ എന്നിവ വഴിയാകും വിൽപന. ഭാരത് അരി 29 രൂപയ്ക്കും ആട്ട 27.5 രൂപയ്ക്കുമാണു വിൽക്കുന്നത്.