മലയാള സിനിമയിൽ നേരിടുന്ന പ്രതിസന്ധികൾ പഠിക്കാൻ നിയമിച്ച ഹേമ കമ്മിറ്റി വലിയ കോളിളക്കമാണ് സൃഷ്ടിച്ചിരിക്കുന്നത്. ഈ സാഹചര്യത്തിൽ, ഹേമ കമ്മിറ്റി മോഡൽ ബംഗാളിലും നടപ്പാക്കണമെന്ന ആവശ്യവുമായി ബംഗാളി സിനിമ താരങ്ങളും രംഗത്ത്. After Kerala, Bengali film stars demand ‘Hema Committee Model’
100 ഓളം പേർ ഒപ്പിട്ട നിവേദനമാണ് മമതാ ബാനർജിക്ക് നൽകിയിരിക്കുന്നത്.സ്ത്രീകൾക്ക് സുരക്ഷിത തൊഴിലിടം നിർബന്ധമാക്കണം, ഇൻ്റേണൽ കമ്മിറ്റികൾ രൂപീകരിക്കണം, ഇരകൾക്കും അതിജീവിച്ചവർക്കും വേണ്ടി ഹെൽപ്പ് ലൈൻ സജ്ജമാക്കണം എന്നിവയാണ് ഇവര് ഉന്നയിക്കുന്ന ആവശ്യം.
ഈ ആവശ്യങ്ങൾ ഉയർത്തിയുള്ള കത്ത് താരങ്ങൾ പശ്ചിമ ബംഗാൾ മുഖ്യമന്ത്രി മമത ബാനർജിക്ക് നൽകി. അപർണ സെൻ, അനുരാധ റേ, സ്വാസ്തിക മുഖർജി, രൂപ ഗാംഗുലി, സൊഹിനി സർക്കാർ, തുടങ്ങിയവരാണ് ഇക്കാര്യത്തിൽ മുന്നിട്ടിറങ്ങിയിരിക്കുന്നത്.
ബംഗാളി സിനിമയിലെ വനിതാ താരങ്ങളുടെ സംഘടനയായ വിമൻസ് ഫോറം ഫോർ സ്ക്രീൻ വർക്കേഴ്സ് ആണ് ആവശ്യമുന്നയിച്ചിരിക്കുന്നത്.
