താടി വടിക്കലിന് കർശന വിലക്ക്; ബാർബർമാർക്ക് 15 മാസം വരെ ജയിൽ ശിക്ഷ
കാബൂൾ: അഫ്ഗാനിസ്ഥാനിൽ പുരുഷന്മാർ താടി വടിക്കുന്നതിന് താലിബാൻ ഭരണകൂടം കർശന നിരോധനം ഏർപ്പെടുത്തി. താടി വടിക്കുന്ന ബാർബർമാരെ അറസ്റ്റ് ചെയ്ത് ജയിലിൽ അടയ്ക്കാൻ തീരുമാനിച്ചതായി താലിബാൻ അറിയിച്ചു.
പുതിയ നിയമപ്രകാരം, ഇത്തരം കുറ്റങ്ങൾക്ക് 15 മാസം വരെ തടവ് ശിക്ഷ ലഭിക്കാം.
പാശ്ചാത്യ ശൈലിയിലുള്ള ഹെയർസ്റ്റൈൽ സ്വീകരിച്ച അഫ്ഗാൻ യുവാക്കളെ ചില പ്രദേശങ്ങളിൽ മർദ്ദിച്ചതായും റിപ്പോർട്ടുകളുണ്ട്. മതപരമായ ചട്ടങ്ങൾ ലംഘിച്ചെന്നാരോപിച്ചാണ് ആക്രമണങ്ങൾ നടന്നതെന്ന് അന്താരാഷ്ട്ര മാധ്യമങ്ങൾ റിപ്പോർട്ട് ചെയ്യുന്നു.
2021ൽ താലിബാൻ വീണ്ടും അധികാരത്തിലെത്തിയതിന് പിന്നാലെ തന്നെ ബാർബർമാർ കടുത്ത പ്രതിസന്ധിയിലായിരുന്നുവെന്ന് വ്യാപാരികൾ പറയുന്നു.
താടി വടിക്കൽ, പാശ്ചാത്യ സ്റ്റൈലിലുള്ള മുടിവെട്ട് എന്നിവ നിയമവിരുദ്ധമാക്കിയതോടെ ഉപഭോക്താക്കൾ ബാർബർ ഷോപ്പുകളിലേക്ക് എത്തുന്നത് കുറവായി. ഇതുമൂലം നിരവധി ബാർബർമാരുടെ കുടുംബങ്ങൾ ഗുരുതര സാമ്പത്തിക ബുദ്ധിമുട്ട് നേരിടുകയാണ്.
നിയമഭീതിയെത്തുടർന്ന് ചില ബാർബർമാർ ഇപ്പോൾ വീടുകളിൽ എത്തി രഹസ്യമായി സേവനം നൽകാൻ നിർബന്ധിതരായിരിക്കുകയാണ്. എന്നാൽ ഇതുവഴി ലഭിക്കുന്ന വരുമാനം വളരെ പരിമിതമാണെന്നും റിപ്പോർട്ടുകൾ വ്യക്തമാക്കുന്നു.
English Summary
The Taliban regime in Afghanistan has imposed a strict ban on beard shaving, announcing jail terms of up to 15 months for barbers who shave beards or offer Western-style haircuts. Reports also indicate assaults on Afghan youths for adopting Western hairstyles. The ban has severely affected barbers’ livelihoods, pushing many into financial distress.
The Taliban regime in Afghanistan has imposed a strict ban on beard shaving, announcing jail terms of up to 15 months for barbers who shave beards or offer Western-style haircuts. Reports also indicate assaults on Afghan youths for adopting Western hairstyles. The ban has severely affected barbers’ livelihoods, pushing many into financial distress.
afghanistan-taliban-ban-beard-shaving-barbers-jail
Afghanistan, Taliban, beard ban, barber crackdown, human rights, Islamic law, Kabul news, international news
