സംസ്ഥാനത്ത് ഡ്രൈവിങ്ങ് ലൈസൻസ് ചട്ടങ്ങൾ കർസനമായതോടെ ചട്ടങ്ങൾ മറികടക്കാൻ മറ്റു സംസ്ഥാനങ്ങളിൽ നിന്നും ലൈസൻസ് എടുത്തവരെ നിരീക്ഷിക്കാൻ മോട്ടോർ വാഹന വകുപ്പ് പദ്ധതിയിടുന്നതായി സൂചന. തമിഴ്നാട് കർണാടക അതിർത്തി ജില്ലകളിലുള്ളവരാണ് സംസ്ഥാനത്തിന് പുറത്തു നിന്നും വൻ തോതിൽ ഡ്രൈവിങ്ങ് ലൈസൻസ് സ്വന്തമാക്കിയിരിക്കുന്നത്. Action against individuals who obtained licenses from other states
രാജ്യത്ത് എവിടെ നിന്നു വേണമെങ്കിലും ലൈസൻസ് സ്വന്തമാക്കാനും അത് രാജ്യം മുഴുവനായും ഉപയോഗിക്കാനും കഴിയും എന്ന നിയമത്തിന്റെ പഴുത് ഉപയോഗപ്പെടുത്തിയാണ് മറ്റു സംസ്ഥാനങ്ങളിൽ നിന്നും ആളുകൾ ലൈസൻസ് സ്വന്തമാക്കുന്നത്. എന്നാൽ കേരളത്തിൽ സ്ഥിരതാമസമുള്ള മറ്റു സംസ്ഥാനങ്ങളിൽ നിന്നും ലൈസൻസ് സ്വന്തമാക്കിയ വ്യക്തികളെ മോട്ടോർ വാഹന വകുപ്പ് നിരീക്ഷിക്കാനും എം.വി.ഡി. അനുശാസിക്കുന്ന കർശന പരീക്ഷകൾ കടക്കാനും നടപടി തുടങ്ങും.
ഇതിനായി നിയമതടസങ്ങൾ ഇല്ലെന്നാണ് സൂചന. മന്ത്രി ഗണേഷ് കുമാർ തന്നെയാണ് ഇക്കാര്യത്തെക്കുറിച്ച് സൂചന നൽകിയത്. സംസ്ഥാനത്ത് ലൈസൻസ് സ്വന്തമാക്കുന്നവർക്ക് പ്രൊബേഷൻ പീര്യഡ് നിശ്ചയിക്കാനും മോട്ടോർ വാഹന വകുപ്പ് നീകക്കം തുടങ്ങിയിട്ടുണ്ട്. പ്രൊബേഷൻ കാലയളവിൽ തുടർച്ചയായി ഗതാഗത നിയമങ്ങൾ ലംഘിക്കുന്നവരുടെ ലൈസൻസ് തെറിക്കും.
