കൊച്ചി: പോത്തിന്റെ ആക്രമണത്തിൽ നിന്നും യുവതിയെ രക്ഷിച്ച് മഹിളാ കോൺഗ്രസ് കീഴ്മാട് മണ്ഡലം പ്രസിഡന്റും മുൻ പഞ്ചായത്ത് അംഗവുമായ അച്ചാമ്മ സ്റ്റീഫൻ. പോത്തിന്റെ കൊമ്പിൽ പിടിച്ചു നിർത്തിയാണ് അച്ചാമ്മ യുവതിയെ രക്ഷിച്ചത്. താമസസ്ഥലത്തേക്ക് പോകുകയായിരുന്ന 21കാരിയെയാണ് പോത്ത് ആക്രമിക്കാൻ ശ്രമിച്ചത്.(Achamma, saved a young woman from a buffalo attack in kochi)
കൊച്ചി കീഴ്മാടാണ് സംഭവം. യുവതിയുടെ കരച്ചിൽ കേട്ട് ഓടിയെത്തിയ അച്ചാമ്മ പെട്ടെന്ന് തന്നെ പോത്തിന്റെ കൊമ്പിൽ പിടിച്ച് തടഞ്ഞു നിർത്തുകയായിരുന്നു. സംഭവം അറിഞ്ഞ നാട്ടുകാർ സഹായിക്കാൻ ശ്രമിച്ചെങ്കിലും പോത്തിന്റെ അക്രമ സ്വഭാവം കണ്ട് പിന്മാറുകയായിരുന്നു.
പിന്നാലെ അവിടെയെത്തിയ ഒരു തമിഴ്നാട് സ്വദേശിയാണ് പോത്തിനെ കീഴ്പ്പെടുത്തിയത്. അച്ചാമ്മയുടെ കൈകൾക്ക് പരിക്ക് പറ്റിയിട്ടുണ്ട്.
