വിദേശത്ത് ബിസിനസ് മീറ്ററിംഗിനായി വിളിച്ചു വരുത്തിയ ശേഷം യുവാവ് തന്നെ ബലാൽസംഗം ചെയ്‌തെന്ന പരാതിയുമായി യുവ സംരംഭകയായ യുവതി. കൊച്ചി സ്വദേശിയായ യുവതിയാണ് നാദാപുരം സ്വദേശിയായ അഹമ്മദ് അബ്ദുളള എന്നയാൾ തന്നെ പീഡിപ്പിച്ചതായി പരാതി നൽകിയത്. യുവതിയുടെ കുടുംബസുഹൃത്തും വ്യവസായിയുമാണ് യുവാവ്.

ഫെബ്രുവരി നാലിനായിരുന്നു സംഭവം. ദുബായിൽ സ്ഥിര താമസമാക്കിയ യുവതിയെ പുതിയ സംരംഭത്തിന്‍റെ ചർച്ചക്കെന്ന പേരിൽ താമസ സ്ഥലത്തേക്ക് ഇയാൾ വിളിച്ചുവരുത്തുകയായിരുന്നു. വീട്ടിലെത്തിയ തന്നെ മണിക്കൂറുകളോളം കെട്ടിയിട്ട് ബലാൽസംഗം ചെയ്തെന്നു യുവതി നൽകിയ പരാതിയിൽ പറയുന്നു. സംഭവം നടന്നത് വിദേശത്താണെങ്കിലും പ്രതിയുടെ സ്വാധീനം ഭയന്നാണ് കേരളത്തിൽ പരാതി നൽകുന്നതെന്ന് യുവതി പരാതിയിൽ പറയുന്നു. പരാതി നൽകാനെത്തിയ സമയം പൊലീസ് കേസ്സെടുക്കാൻ തയ്യാറായില്ലെന്നും പിന്നീട് 25ലക്ഷം രൂപ വാഗ്ദാനം ചെയ്ത് ഒത്തുതീർപ്പിന് ശ്രമിച്ചെന്നും അതിജീവിത ആരോപിക്കുന്നു. ഭവത്തിൽ നാദാപുരം പൊലീസ് കേസ്സെടുത്ത് അന്വേഷണം തുടങ്ങി. നിലവിൽ പ്രതി വിദേശത്തായതിനാൽ ഇയാളെ നാട്ടിലെത്തിക്കാനുളള നടപടികൾ തുടങ്ങിയെന്ന് നാദാപുരം പൊലീസ് വ്യക്തമാക്കി.

Read Also: കൊച്ചിയിൽ മലയാളി നടിയുടെ കയ്യിൽ നിന്നും തട്ടിയത് 37 ലക്ഷം രൂപ; മോഹിപ്പിച്ചത് 130 കോടി രൂപയുടെ വലവിരിച്ച്; പ്രതിയെ കൊൽക്കത്തയിലെത്തി പൊക്കി കേരള പോലീസ്