ചെന്നൈ: തമിഴ്നാട്ടിലെ ദിണ്ടിഗലിലാണ് സ്ഫോടനം നടന്നത്. കോട്ടയം പൊൻകുന്നം കൂരാളി സ്വദേശി സാബു ജോൺ (59) ആണ്‌ സ്‌ഫോടനത്തിൽ കൊല്ലപ്പെട്ടത്. ദിണ്ടിഗലിൽ മാമ്പഴത്തോട്ടം പാട്ടത്തിനെടുത്ത് കൃഷി ചെയ്യുകയായിരുന്നു ഇയാൾ. തോട്ടത്തിൽ അഴുകിയ നിലയിലാണ് മൃതദേഹം കണ്ടെത്തിയത്. മൃതദേഹത്തിന് കുറഞ്ഞത് നാലുദിവസത്തെ പഴക്കമെങ്കിലും ഉണ്ടെന്ന് പൊലീസ് പറഞ്ഞു.
പൊലീസ് നടത്തിയ പരിശോധനയിൽ മൃതദേഹത്തിനടുത്ത് നിന്ന് ജെലാറ്റിൻ സ്റ്റിക്കും വയറുകളും കണ്ടെത്തി. ഇത് പൊട്ടിത്തെറിച്ചാണ് മരണം സംഭവിച്ചെന്നാണ് പൊലീസ് വ്യക്തമാക്കുന്നത്. സാബു ജോൺ ഒരാഴ്ചയായി ഫോൺ വിളിച്ചിട്ട് എടുക്കുന്നില്ലായിരുന്നുവെന്ന് സഹോദരൻ പറഞ്ഞു. തുടർന്ന് നടത്തിയ അന്വേഷണത്തിലാണ് മൃതദേഹം കണ്ടെത്തിയത്. ഒരു മാസം മുമ്പാണ് സാബു തമിഴ്നാട്ടിലേക്ക് പോയത്. എൻഐഎ സംഘം സ്ഥലത്തെത്തി പരിശോധന നടത്തുകയാണ്.
, a native of Kottayam Ponkunnam Koorali, was killed in the blast.){kind=link}