കൊച്ചി: ഫോര്ട്ട് കൊച്ചിയില് ഡെങ്കിപ്പനി ബാധിച്ച് വിദേശ പൗരൻ മരിച്ചു. അയര്ലന്ഡ് സ്വദേശിയായ ഹോളവെന്കോ (74) യെ ആണ് ഫോര്ട്ട് കൊച്ചിയിലെ ഹോം സ്റ്റേയില് മരിച്ച നിലയില് കണ്ടെത്തിയത്. കഴിഞ്ഞ ദിവസമാണ് ഇയാള്ക്ക് ഡെങ്കിപ്പനി സ്ഥിരീകരിച്ചത്.
വിദേശത്തുനിന്നും കേരളത്തിൽ എത്തിയ ഹോക്കോ ഹെന്ക്കോ റയ്ന് സാദ് കുറച്ചു ദിവസങ്ങളായി കൊച്ചിയിലാണ് കഴിഞ്ഞിരുന്നത്.
ഫോര്ട്ടുകൊച്ചിയിലെ കുന്നുംപുറത്തെ ഹോം സ്റ്റേയിലായിരുന്നു താമസം. കൊച്ചിയില് എത്തുന്നതിന് മുമ്പ് ഇയാള് കേരളത്തിലെ മറ്റു പല സ്ഥലങ്ങളിലും പോയിട്ടുണ്ടെന്നാണ് സൂചന.
പനിബാധിച്ചതിനെ തുടര്ന്നാണ് ഇയാള് കൊച്ചിയിലെ ആശുപത്രിയില് ചികിത്സ തേടിയത്. പിന്നീട് ശനിയാഴ്ച ഡെങ്കിപ്പനി സ്ഥിരീകരിക്കുകയായിരുന്നു.
പനി ബാധിച്ച്ആരോഗ്യനില വഷളായതിനെ തുടര്ന്നാണ് മരണം. മൃതദേഹം മോര്ച്ചറിയിലേക്ക് മാറ്റി. ഹോളവെന്കോയുടെ മൃതദേഹം നാട്ടിലെത്തിക്കാനുള്ള നടപടികള് ഉടൻ പൂർത്തിയാക്കും. സംസ്ഥാനത്ത് പലയിടങ്ങളിലും ഡെങ്കിപ്പനി റിപ്പോര്ട്ട് ചെയ്യുന്നതിനിടെയാണ് വിദേശ പൗരന്റെ മരണം
