തിരുവനന്തപുരം: എ.ജയതിലക് അടുത്ത ചീഫ് സെക്രട്ടറിയാകും. മന്ത്രിസഭാ യോഗത്തിന്റേതാണ് തീരുമാനം. ശാരദ മുരളീധരൻ വിരമിക്കുന്ന ഒഴിവിലേക്കാണ് നിയമനം. 2026 ജൂൺ വരെയാണ് കാലാവധി. 1991 ബാച്ച് ഉദ്യോഗസ്ഥനാണ് ജയതിലക്.
കട്ടപ്പനയിൽ വയോധികയെ വെട്ടിപ്പരിക്കേൽപ്പിച്ച് മകനും മരുമകളും
കട്ടപ്പന കുന്തളം പാറയിൽ കുടുംബ വഴക്കിനെ തുടർന്ന് മകനും മരുമകളും വയോധികയെ വെട്ടിപ്പരിക്കേൽപ്പിച്ചു. പരിക്കേറ്റ കൊല്ലപ്പള്ളി കമലമ്മയെ കോട്ടയം മെഡിക്കൽ കോളേജിലേക്ക് മാറ്റി. മരുമകൾ രജനി മകൻ
പ്രസാദ് എന്നിവരെ പോലീസ് കസ്റ്റഡിയിലെടുത്തു.
തങ്ങളെ ഉപദ്രവിക്കാൻ ശ്രമിക്കുന്നതായി ആരോപിച്ച് പരിക്കേറ്റ വയോധിക മുൻപ് പത്രസമ്മേളനം നടത്തിയിരുന്നു. ഇതിന്റെ വൈരാഗ്യത്തിൽ ആണോ ആക്രമണമെന്ന് പരിശോധിച്ചുവരികയാണ്.
പഹല്ഗാമിലെ ഭീകരാക്രമണത്തിന് പിന്നില് ലഷ്കർ എ തയ്ബയെന്ന് സൂചന: നിയന്ത്രിച്ചത് സൈഫുള്ള കസൂരി…?
ജമ്മു പഹല്ഗാമിലെ ഭീകരാക്രമണത്തിന് പിന്നില് ലഷ്കർ എ തയ്ബയെന്ന് സൂചന. പാകിസ്ഥാനിൽ നിന്ന് ആക്രമണം നിയന്ത്രിച്ചത് സൈഫുള്ള കസൂരിയെന്നാണ് റിപ്പോര്ട്ട്.
എൻ ഐ എ സംഘം പഹൽഗാമിലേക്ക് പോയിട്ടുണ്ട്. ഒരു പ്രാദേശിക ഭീകരനെ തിരിച്ചറിഞ്ഞതായി റിപ്പോർട്ടുണ്ട്. ബിജ് ബഹേര സ്വദേശി ആദിൽ തോക്കറാണ് തീവ്രവാദ സംഘത്തിലുള്ളതായി സൂചനയുള്ളത്.
രണ്ട് തദ്ദേശീയർ ഉൾപ്പെടെ ആറ് ഭീകരരാണ് ആക്രമണം നടത്തിയത്. കശ്മീരിൽ നിന്നുള്ള രണ്ട് തദ്ദേശീയർ ആക്രമണം നടത്തിയ സംഘത്തിലുണ്ടായിരുന്നു.
2017 ൽ പരിശീലനത്തിനായി ഇവര് പാകിസ്ഥാനിലേക്ക് കടന്ന് വിദേശ ഭീകരരുടെ അവസാന ബാച്ചിനൊപ്പം ചേര്ന്നുവെന്നാണ് വിലയിരുത്തല്. ഭീകരർക്ക് ബൈക്കുകൾ കിട്ടിയതെവിടെയെന്നും അന്വേഷിക്കുന്നുണ്ട്.
