TOP NEWS
ജമ്മു കശ്‌മീരിലെ അനന്താനാഗിൽ ജവാനെ ഭീകരർ തട്ടിക്കൊണ്ടുപോയി വധിച്ചു. കൊക്കർ നാഗിലെ വനമേഖലയിൽ നിന്നാണ് ജവാന്റെ മൃതദേഹം കണ്ടെത്തിയത്. വെടിയേറ്റ നിലയിലാണ് മൃതദേഹം കണ്ടെത്തിയത്.A jawan was abducted and killed by terrorists in Anantnag, Jammu and Kashmir
നൗഗം സ്വദേശി ഹിലാൽ അഹമ്മദ് ഭട്ടാണ് കൊല്ലപ്പെട്ടത്. ടെറിട്ടോറിൽ ആർമിയിലെ ജവാനാണ് ഭട്ട്. സംഭവത്തിന്റെ ഉത്തരവാദിത്വം നിരോധിത സംഘടനയായ ടിആർഎഫ് ഏറ്റെടുത്തു.
ഇന്നലെ ഉച്ചയോടെ തട്ടിക്കൊണ്ടുപോയ ജവാൻറെ മൃതദേഹമാണ് ദേഹമാസകലം വെടിയേറ്റും കത്തിക്കൊണ്ടുള്ള മുറിവുകളുമായി കൊക്കേർനാഗിലെ കസ്‌‍വാൻ വനമേഖലയിൽ കണ്ടെത്തിയത്.
അനന്തനാഗിൽ നിന്നും രണ്ട് ജവാന്മാരെയാണ് ഭീകരർ തട്ടിക്കൊണ്ടുപോകാൻ ശ്രമിച്ചത്. എന്നാൽ ഒരാൾ ഭീകരരുടെ പിടിയിൽ നിന്ന് രക്ഷപെട്ട് തിരിച്ചെത്തി.
അതേസമയം കൊല്ലപ്പെട്ട സൈനികന് രക്ഷപെടാൻ ആയിരുന്നില്ല. അതേസമയം, കാണാതായ സൈനികനെ കണ്ടെത്താൻ സുരക്ഷാ സേന മേഖലയിൽ തിരച്ചിൽ ആരംഭിച്ചിരുന്നു.
