ദുബൈയിൽ ബൈക്കിൽ സഞ്ചരിക്കുകയായിരുന്ന ഡെലിവറി ജീവനക്കാർ തമ്മിലുണ്ടായ തർക്കത്തെ തുടർന്ന് ഡെലിവറി ജീവനക്കാരൻ തനിക്കൊപ്പമുള്ള ബൈക്കിലെ ജീവനക്കാരനെ ചവിട്ടി വീഴ്ത്തി.

തുടർന്ന് ബാലൻസ് തെറ്റി റോഡിൽ വീണ ബൈക്ക് റൈഡറെ പിന്നാലെയെത്തിയ കാർ യാത്രക്കാർ രക്ഷപെടുത്തി. സംഭവത്തിന്റെ വീഡിയോ ദൃശ്യം സമൂഹ മാധ്യമങ്ങളിൽ വൈറലായി.

തുടർന്ന് ദുബൈ പോലീസ് ചവിട്ടി വീഴ്ത്തിയ റൈഡറെ അറസ്റ്റ് ചെയ്തു. മറ്റൊരാളുടെ ജീവൻ അപകടത്തിലാക്കി എന്ന കുറ്റം ചുമത്തിയാണ് അറസ്റ്റ് . സംഭവത്തിൽ ഉൾപ്പെട്ട പൗരന്മാർ ഏത് രാജ്യക്കാർ ആണെന്ന വിവരം പുറത്തുവന്നിട്ടില്ല.