കോട്ടയം: ബൈക്കുകൾ കൂട്ടിയിടിച്ചുണ്ടായ അപകടത്തിൽ അമ്പത്തഞ്ചുകാരന് ദാരുണാന്ത്യം, മകൾ ഗുരുതരാവസ്ഥയിൽ. അരുവിക്കുഴി സ്വദേശി വരിക്കമാക്കൽ സെബാസ്റ്റ്യൻ ജയിംസ് ആണ് മരിച്ചത്.A 55-year-old man died in a bike collision
24കാരിയായ മകൾ മെറിനെ ഗുരുതര പരുക്കുകളോടെ പാലായിലെ സ്വകാര്യ ആശുപത്രിയിൽ പ്രവേശിപ്പിച്ചു.
മെറിനെ ജോലിക്ക് വിടാനായി പോകുന്നതിനിടെ മഞ്ഞാമറ്റം – മണൽ റോഡിൽ രണ്ടുവഴിയിൽ വച്ചായിരുന്നു അപകടമുണ്ടായത്. വെള്ളിയാഴ്ച വൈകിട്ട് 6.30നായിരുന്നു സംഭവം.
സീനിയർ എൽഐസി ഏജന്റായിരുന്ന സെബാസ്റ്റ്യൻ മകളെ കൊണ്ടുവിടാൻ പോകുന്നതിനിടയിൽ എതിരെ വന്ന ബൈക്കുമായി കൂട്ടിയിടിക്കുകയായിരുന്നു.
ശക്തമായ കൂട്ടിയിടിയിൽ സെബാസ്റ്റ്യൻ സംഭവസ്ഥലത്തു വച്ചുതന്നെ മരിച്ചു. മെറിൻ പാലായിലെ ആശുപത്രിയിൽ നഴ്സായി ജോലി ചെയ്യ്തുവരുകയായിരുന്നു. എൽസമ്മ സെബാസ്റ്റ്യനാണ് ഭാര്യ. മെൽവിൻ, മാഗി എന്നിവരാണ് മറ്റു രണ്ടു മക്കൾ.
