കുഞ്ഞിന് പാല് നല്കിയില്ലെന്ന് ആരോപിച്ച് പ്രസവം കഴിഞ്ഞ് ഒരു മാസം പോലും ആകാത്ത 19കാരിയായ യുവതിയെ ഭര്തൃവീട്ടുകാര് ക്രൂരമായി മര്ദ്ദിച്ചെന്ന് പരാതി. കൊല്ലം നീണ്ടകര നീലേശ്വരം തോപ്പ് സ്വദേശി അലീനയാണ് ക്രൂരമര്ദ്ദനത്തിന് ഇരയായത്.(A 19-year-old woman was brutally beaten up for allegedly not giving milk to her baby)
കുഞ്ഞിന് പാലുകൊടുത്തിട്ട് കിടന്നതായിരുന്നു താനെന്നും അപ്പോഴേക്കും ഭർത്താവിന്റെ വീട്ടുകാർ വന്ന് വീണ്ടും കുട്ടിക്ക് പാലുകൊടുക്കാന് പറഞ്ഞുവെന്നും യുവതി പറഞ്ഞു. പാലുകൊടുത്തിട്ട് രണ്ടു മണിക്കൂർ പോലും ആയില്ലെന്ന് താൻ പറഞ്ഞു. അപ്പോഴേക്കും ഭർത്താവ് കഴുത്തിന് പിടിച്ചു.
തുടർന്ന് ഭര്ത്താവിന്റെ സഹോദരനും ഭര്തൃപിതാവും ഭര്തൃമാതാവും ചേര്ന്നാണ് മര്ദ്ദിച്ചത്. യുവതിയുടെ കയ്യും കാലും കെട്ടിയിട്ട് മര്ദ്ദിച്ചുവെന്നും പരാതിയില് പറയുന്നു. ഭര്ത്താവും മര്ദ്ദനത്തില് യുവതിയുടെ ശരീരമാസകലം മുറിവേറ്റിട്ടുണ്ട്. പ്രസവം കഴിഞ്ഞ് 27-ാം ദിവസമായിരുന്നു മര്ദ്ദനം.
സംഭവത്തില് പരാതി നല്കിയിട്ടും ചവറ പൊലീസ് കേസെടുത്തില്ലെന്നും പരാതിയിലുണ്ട്. എന്നാൽ ആരോപണങ്ങൾ ഭർത്താവ് മഹേഷ് നിഷേധിച്ചു.
