കോഴിക്കോട്: സ്‌കൂള്‍ വാനിടിച്ച് രണ്ടാം ക്ലാസുകാരി മരിച്ചു. നല്ലളം കിഴ്‌വനപ്പാടം സ്വദേശി വലിയ പടന്നയില്‍ അഫ്‌സലിന്റെ മകള്‍ സന്‍ഹ മറിയം (8) ആണ് മരിച്ചത്. വ്യാഴാഴ്ച്ച വൈകിട്ട് 4.30യോടെയാണ് അപകടമുണ്ടായത്.
ചെറുവണ്ണൂര്‍ സ്രാമ്പ്യ വെസ്റ്റ് എ.എല്‍.പി.സ്‌കൂളിലെ രണ്ടാം ക്ലാസ് വിദ്യാര്‍ത്ഥിനിയാണ് സന്‍ഹ മറിയം. വിദ്യാർത്ഥി കുണ്ടായിത്തോട് ചെറിയ കരിമ്പാടത്തെ മാതാവിന് വീടിനു സമീപത്താണ് വാഹനമിറങ്ങാറുള്ളത്. ഡ്രൈവര്‍ കുട്ടിയെ ഇറക്കിയ ശേഷം വാഹനം പിറകോട്ട് എടുക്കുന്നതിനിടയില്‍ ഇടിച്ച് വിഴുത്തുകയായിരുന്നു.
പിന്നാലെ വിദ്യാര്‍ത്ഥിനിയുടെ ശിരസിലൂടെ വാനിന്റെ ചക്രങ്ങള്‍ കയറിയിറങ്ങി. ഉടന്‍ തന്നെ ചെറുവണ്ണൂരിലെ സ്വകാര്യ ആശുപത്രിയില്‍ എത്തിച്ചെങ്കിലും ജീവന്‍ രക്ഷിക്കാനായില്ല. മാതാവ് സുമയ്യ. സഹോദരങ്ങള്‍ റബീഹ്, യസീബ്.
