ഇനിമുതൽ അനുവദനീയമല്ലെന്നും ആണ് ഉത്തരവിൽ പറയുന്നത്
തിരുവനന്തപുരം: പരീക്ഷ ഹാളിൽ അധ്യാപകർക്ക് മൊബൈൽ ഫോൺ ഉപയോഗിക്കുന്നതിന് വിലക്കേർപ്പെടുത്തി. ഫോൺ സ്വിച്ച് ഓഫ് ചെയ്താലും പരീക്ഷ ഹാളിൽ അനുവദിക്കില്ല. പരീക്ഷ ക്രമക്കേട് തടയാനായി ഹയർസെക്കൻഡറി പരീക്ഷ വിഭാഗമാണ് ഉത്തരവ് ഇറക്കിയത്.(No mobile allotted to teachers at exam hall)
കൃത്യവും സുഗമവുമായ പരീക്ഷാ നടത്തിപ്പിന് പരീക്ഷാ ഹാളിൽ ഇൻവെജിലേറ്റർമാർ മൊബൈൽ ഫോൺ കൊണ്ടുവരുന്നത് ഇനിമുതൽ അനുവദനീയമല്ലെന്നും ആണ് ഉത്തരവിൽ പറയുന്നത്. പൊതുവിദ്യാഭ്യാസ ഡയറക്ടറുടെ ഉത്തരവാണ് പുറത്തുവന്നത്.
കഴിഞ്ഞ ദിവസം പാലക്കാട് ആനക്കര ഗവണ്മെന്റ് ഹയര് സെക്കന്ഡറി സ്കൂളില് മൊബൈല് ഫോണ് പിടിച്ചു വച്ചതിന് പ്ലസ് വണ് വിദ്യാര്ത്ഥി അധ്യാപകര്ക്ക് നേരെ കൊലവിളി നടത്തിയ സംഭവം വ്യാപകമായി പ്രചരിച്ചിരുന്നു. സ്കൂളില് മൊബൈല് കൊണ്ട് വരരുതെന്ന നിര്ദേശം ലംഘിച്ചതിനാണ് മൊബൈല് ഫോണ് പിടിച്ചു വച്ചത്. തുടര്ന്ന് വിദ്യാര്ത്ഥി പ്രഥമാധ്യാപകനെ കൊല്ലുമെന്ന് ഭീഷണിപ്പെടുത്തുന്ന ദൃശ്യങ്ങളാണ് പുറത്തു വന്നത്.
