2024 മെയ് 27 ന് ആയിരുന്നു ശഹാനയുടെ വിവാഹം നടന്നത്
മലപ്പുറം: കൊണ്ടോട്ടിയിൽ നവവധു ആത്മഹത്യ ചെയ്ത സംഭവത്തിൽ ഭർത്താവിനെ അറസ്റ്റ് ചെയ്ത് പോലീസ്. കൊണ്ടോട്ടി സ്വദേശിനി ശഹാന മുംതാസിന്റെ മരണത്തിൽ ഭർത്താവ് അബ്ദുൾ വാഹിദാണ് പിടിയിലായത്. വിദേശത്ത് നിന്നും കണ്ണൂർ വിമാനത്താവളത്തിൽ എത്തിയ ഇയാളെ പോലീസ് പിടികൂടുകയായിരുന്നു.(Malappuram Shahana death case; Husband arrested)
നിറത്തിൻ്റെ പേരിൽ അവഹേളിച്ചതിൽ മനംനൊന്താണ് ശഹാന ആത്മഹത്യ ചെയ്തത്. ഇംഗ്ലീഷ് ഭാഷയിൽ സംസാരിക്കാൻ കഴിയില്ലെന്ന് പറഞ്ഞും കുറ്റപ്പെടുത്തിയതായും പെൺകുട്ടിയുടെ കുടുംബം പറഞ്ഞിരുന്നു. നിരന്തരം മാനസികമായി ഉപദ്രവിച്ചെന്നും വിവാഹ ബന്ധം വേർപ്പെടുത്താൻ നിർബന്ധിച്ചു എന്നുമാണ് കുടുംബത്തിന്റെ ആരോപണം.
അബ്‌ദുൽ വാഹിദിനും മാതാപിതാക്കൾക്കും എതിരെയാണ് പെൺകുട്ടിയുടെ കുടുംബം ആരോപണം ഉന്നയിച്ചത്. 2024 മെയ് 27 ന് ആയിരുന്നു ശഹാനയുടെ വിവാഹം നടന്നത്.
