പുതുവർഷത്തിൽ കേരളത്തിലെ ട്രെയിൻ യാത്രക്കാർക്കും ഏറെ പ്രയോജനകരമാകുന്ന രീതിയിൽ പുതിയ റെയിൽവേ ടെെംടേബിൾ നാളെ (ജനുവരി 1) മുതൽ നിലവിൽ വരും. മംഗളൂരു- തിരുവനന്തപുരം മലബാർ എക്സ്പ്രസിന്റെ വേഗം 30 മിനിറ്റ് കൂട്ടുന്നതുൾപ്പെടെയുള്ള മാറ്റങ്ങളാണ് വരുന്നത്. New timetable for railways in the new year
തിരുവനന്തപുരം നോർത്ത് യശ്വന്ത്പൂർ എസി വിക്ക്ലീ സൂപ്പർ ഫാസ്റ്റ് ട്രെയിൻ എക്സ്പ്രസ് ആക്കി മാറ്റും. മാറ്റിയ സമയക്രമം ഉൾപ്പെടെ ട്രെയിനുകളെ കുറിച്ചുള്ള വിശദവിവരം അറിയാൻ നാഷണൽ ട്രെയിൻ എൻക്വയറി സിസ്റ്റം (എൻടിഇഎസ്) മൊബെെൽ ആപ്പ് അല്ലെങ്കിൽ www. enquiry. indianrail.gov.in/mntes/ എന്ന വെബ്സെെറ്റ് സന്ദർശിക്കുക.
തിരുവനന്തപുരം- ഷൊർണൂർ വേണാട് എക്സ്പ്രസ് രാവിലെ 5.25ന് പകരം 5.20-ന് തിരുവനന്തപുരത്ത് നിന്ന് യാത്രതിരിക്കും. എറണാകുളം നോർത്തിൽ 9.40-ന് എത്തും. വേണാട് എക്സ്പ്രസ് ഏറ്റുമാനൂർ മുതൽ തിരുവനന്തപുരം വരെയുള്ള സ്റ്റേഷനുകളിൽ നിശ്ചിത സമയത്തിന് മുമ്പ് എത്തും.
തിരുവനന്തപുരം- മംഗളൂരു ഏറനാട് എക്സ്പ്രസ് 3.35-ന് പകരം 3.40-ന് തിരുവനന്തപുരത്ത് നിന്ന് പുറപ്പെടും. രാവിലെ 6.50-ന്റെ കൊല്ലം – തിരുവനന്തപുരം പാസഞ്ചർ 6.58-നായിരിക്കും പുറപ്പെടുക. എറണാകുളം- തിരുവനന്തപുരം വഞ്ചിനാട് എക്സ്പ്രസ് 5.05-ന് പകരം 5.10-ന് പുറപ്പെടും.
തൂത്തുകുടി – പാലക്കാട് പാലരുവി എക്സ്പ്രസ് 4.50-ന് പകരം 4.35-നാകും കൊല്ലത്ത് നിന്ന് യാത്ര പുറപ്പെടുക. തിരുനൽവേലി മുതൽ – തിരുവനന്തപുരം വരെയുള്ള സ്റ്റേഷനുകളിൽ ട്രെയിൻ നേരത്തെ എത്തും.
കൊച്ചുവേളി- നാഗർകോവിൽ പാസഞ്ചർ ഉച്ചയ്ക്ക് 1.40-ന് പകരം 1.25-ന് പുറപ്പെടും. മധുര – ഗുരുവായൂർ എക്സ്പ്രസ്, കോട്ടയം -നിലമ്പൂർ എക്സ്പ്രസ് എന്നീ ട്രെയിനുകൾ 15 മിനിറ്റ് വേഗം കൂട്ടും. മംഗളൂരു- കണ്ണൂർ പാസഞ്ചർ 40 മിനിറ്റും വേഗം കൂട്ടും. കൊല്ലം – ചെന്നെെ അനന്തപുരി, എറണാകുളം – ബിലാസ്പൂർ എക്സ്പ്രസ് എന്നി ട്രെയിനുകളുടെ വേഗം യഥാക്രമം 10 മിനിറ്റ് , 15 മിനിറ്റ് എന്നിങ്ങനെ കൂടും.
