ഇടുക്കിയിൽ വീണ്ടും കാട്ടാന ആക്രമണം; പശുവിനെ തീറ്റാൻ പോയ യുവാവിന് ദാരുണാന്ത്യം: കൂടെയുണ്ടായിരുന്നയാൾ ഓടി രക്ഷപെട്ടു

കാട്ടാനക്കലി അടങ്ങുന്നില്ല. ഇടുക്കിയിൽ വീണ്ടും കാട്ടാനയാക്രമണം. ഒരു ജീവൻ കൂടി പൊലിഞ്ഞു. ഇടുക്കി മുള്ളരിങ്ങാട് അമേൽ തൊട്ടിയിലാണ് കാട്ടാനയുടെ ആക്രമണം ഉണ്ടായത്.
മുള്ളരിങ്ങാട് സ്വദേശി അമർ ഇലാഹി (22) എന്ന യുവാവിനാണു ദാരുണാന്ത്യം ഉണ്ടായത്.,Another wild elephant attack in Idukki; A young man who went to feed a cow met a tragic end

തേക്കിൻ കൂപ്പിൽ പശുവിനെ അഴിക്കാൻ പോയപ്പോഴാണ് യുവാവിനെ ആന ആക്രമിച്ചത്. ഇയാൾക്കൊപ്പം കൂടെയുണ്ടായിരുന്നയാൾ ഓടി രക്ഷപ്പെടുകയായിരുന്നു.

കാട്ടാനയുടെ ആക്രമണത്തിൽ അമർ ഇലാഹിക്ക് ഗുരുതരമായി പരിക്കേറ്റതിനെ തുടർന്ന് തൊടുപുഴ താലൂക്ക് ആശുപത്രിയിലെത്തിച്ചെങ്കിലും മരണത്തിന് കീഴടങ്ങി. മൃതദേഹം ആശുപത്രിയിൽ സൂക്ഷിച്ചിരിക്കുകയാണ്.